日記 | 31/10/2004 沙田踩單車

今日成１２點先起身，好耐都無試過訓得咁多啦～～～下晝約左ＬｅｅＨａｎｇ，ＪｏｅＪａｙ等人去踩單車，今次試下係尖咀轉搭東鐵去沙田，但係真係好遠，仲有ｄ人唔似香港站咁會行自動行人通道，全部人都ｓｕｃｋ晒係都影下相ｈａｅ下咁，真係下似趕時間的話都係去返九龍塘好ｄ。

去到沙田等齊人都差唔多４點啦，近住就開始踩入大埔，返到沙田都已經７點啦，成個人散晒，都唔知聽日點返工。

跟住Ｍｉｋｅ同Ｂｏｎｎｉｅ等人加入去食飯，搵左一輪就去左娛樂城打邊爐，真係食得好飽，都唔幾點先訓啦～～～

搭車返屋企其間ＰＹ話搵到Ｄ　Ｏ　Ｃａｍｐ既相，果ｄ慘痛經歷真係諗返都得人驚～～～

灣仔　－＞　尖沙嘴　＄４．０　灣仔　－＞　九龍塘　＄５．１
尖東　－＞　沙田　　＄７．６　九龍塘　－＞　沙田　＄５．１
轉乘優惠　　　　　－＄１．５
－－－－－－－－－－－－－－－－－－－－－－－－－－－－－
總共　　　　　　　＄１０．１　　　　　　　　　　＄１０．２

沙田　－＞　尖東　　＄７．６　沙田　－＞　九龍塘　＄５．１
回程八折優惠　　　－＄１．５　回程八折優惠　　　－＄１．０
尖沙嘴　－＞　灣仔　＄４．０　尖沙嘴　－＞　灣仔　＄５．１
轉乘優惠　　　　　－＄０．８
－－－－－－－－－－－－－－－－－－－－－－－－－－－－－
總共　　　　　　　　＄９．３　　　　　　　　　　　＄９．２

日記 | 29/10/2004 悠閒的周末

今日都無乜做過野，淨係去左銀行入票同比返部腦啊羅，然後都係食食食訓訓訓～～～～

日記 | 29/10/2004 夜遊沙田

今日真係「好忙，好忙啊！」勁過一輪ｈａｅ既地獄式既生活之後，近排就一大堆ｔａｓｋ踴晒出黎。我手上已經有４個ｔａｓｋ，一個ＨＣＴ，ＢＣＦ，ＣＡＳ同埋ＩＶＳ，不過好好彩，全部都唔趕既～～～

尋日買既車今日已經出牌，朝早我地已經急不及待練返轉車先～～～但係好可惜我架車同ＬｅｅＨａｎｇ既完全Ｊａｍ線，結果都係一人二車。成個上晝都係研究緊點解個ＢＣＦ唔識去Ｄｅｌｅｔｅ個Ｒｅｐｏｒｔ，我睇黎睇去都無乜問題，初時以為係ｓｅｒｖｅｒ　ｓｅｔｔｉｎｇ錯左啦，於是去插下ｂｂｋ啦～～～但係又唔關佢事。都係放埋一邊先～～～

期間，Ｊｅｓｓ做ｌｉｂｒａｒｉａｎ時好似有ｄ問題，要去插人，ｂｂｋ仲諗住借刀殺人叫我去代插。傻啦，我當然唔肯啦～～～

Ｌｕｎｃｈ前同後都有練車～～～仲落埋去ｃａｒ　ｐａｒｋ影相，真係充實～～～跟住下晝換下口味，做下ｒｅｐｏｒｔ。個ＨＣＴ好奇怪，噤噤下就會彈Ｄ　Ｓｕｂｒｅｐｏｒｔ出黎，如是拿拿臨去報警啦～～～但係個警察好忙，話下星期一先算。跟住ｈａｅ下啦，見有新一期既員工通訊，於是囉黎睇下，點知又出事～～～

夜晚，答應左Ｂｏｎｎｉｅ去簽卡，當然要捉埋ＬｅｅＨａｎｇ去啦，係沙田行行下，又黎多個受害者Ｖｉｎｃｅｎｔ，係沙田食阿拉麵館，唔錯，但係幾貴。我同ＬｅｅＨａｎｇ一路食就一路用Ｂｏｎｎｉｅ部ＮＥＣ影Ｖｉｄｅｏ，都唔知乜機黎，我地成晚係咁影都仲有Ｍｅｍｏｒｙ。

食完野幾位姐姐去左買鞋，而我地都係係度等，跟住我地三個同Ｂｏｎｎｉｅ＋Ａｂｂｙ買左ｄ野飲，出去中央公園吹水。然後我竟然肯答應Ｂｏｎｎｉｅ陪佢行去大圍，行下行下仲行到去顯徑。行左成４５分鐘，有等車等左３０分鐘。但係結果都係去到紅磡轉Ｎ１８２～～～

日記 | 28/10/2004 LeeHang 生日

今日又係做ｌｉｂｒａｒｉａｎ　ｓｕｐｐｏｒｔ，好難得先掙都返黎做架～～～我先發覺原來坐得近ｂｂｋ都幾多野聽～～～今日晨早流流就要去插人，係我過ｐｒｏｇｒａｍ時見ＥＬ個Ｔｉｍｅｓｔａｍｐ唔岩嘛，咁去報警求助啦，咁個警察話去插下ＥＬ啦，唔過呀～～～咁都無辦法啦，唯有去啦。跟住係Ｃｏｍｐｉｌｅ時又有問題，又要去插佢多一獲。成朝就係咁不斷地去插人啦～～～

今日係ＬｅｅＨａｎｇ既生日，去左美心５８蚊任食，坐的士其間個司機係咁吹水，都唔知佢有無兜路。回程時我坐左架警車～～～真係好得人驚，個警察一係踩盡左油門，一係踩盡個ｂｒｅａｋ，仲要架車無野扶住，得２碌高爾夫球棍，都係試過一次就算啦～～～～

下晝都係半ｌｉｂｒａｒｉａｎ咁啦，其間收到２個新ｔａｓｋ，真係太好啦～～～

放工同ＬｅｅＨａｎｇ同Ｋｅｎｎｅｔｈ去左８０Ｍ買左架遙控巴士，準備聽日可以練車～～～但係＄１３９都話已經係特價，一毫子都唔減。然後去左ＨＳＢＣ囉埋個金銀紙就回家啦～～～

日記 | 27/10/2004 Nobody Knows

今日真係好無聊，差唔多工作量係０，所以都係唔講咁多啦。

放左工，去左８０Ｍ買左架城巴２８００　２５周年紀念版，跟住就去左Ｊｏｉｎ埋呀Ｍｉｋｅ，Ｖｉｎｃｅｎｔ同ＪｏｅＪａｙ等人去睇Ｎｏｂｏｄｙ　Ｋｎｏｗｓ。齣戲都係一ｄ傳統既日本片記，絕對唔係大製作，因為離離去去都係果幾個場景，而演員都係得幾個靚仔，不過ｄ演技真係唔錯，同埋個故事幾吸引同感人，至少我由頭睇到落尾未訓過。

夜晚去左吉野家食三文魚飯，好難食～～～

日記 | 20/10/2004 ICQ~~~

今日返工已經好無聊，成朝都係同人ｉｃｑ下，ｈａｅ下。都無野做，不過其他人都唔係好我好多，所有人都係ｈａｅ緊。
做左成朝，都係改過１分ｒｅｐｏｒｔ咁大把，仲要只係改左６個ｃｈａｒａｔｅｒ，咁就過左啦～～～其他時間都係ｉｃｑ吹下水，咁樣返而覺得大家仲忙～～～

日記 | 19/10/2004 Framework 1.1

今日真係好無聊，全日都係到ｔｅｓｔ個ｆｒａｍｅｗｏｒｋ，好奇怪，自己試極都試唔死既野，都俾ｋｅｎｎｅｔｈ同ｂｂｋ一野就搞死左。咁我就好似辦事不力咁被ｂｂｋ插左幾野，因此都係狂ｔｅｓｔ啦，都係唔死得。於是ｃｈｅｃｋ下夠竟有乜唔同，原來係佢地無裝ｆｒａｍｅｗｏｒｋ１．１　ｓｐ１，所有問題都迎刃而解～～～

然後～～成個下晝都係ｈａｅ住ｉｃｑ～～～

Breaking News | 台灣旅行團車禍

今晚知道一宗意外～～～諗返到好恐怖～～～

關鍵旅行社台灣團的遊覽車在台灣九份山區翻車，5名港人死亡，另有超過三十人受傷，旅客指摘當時車速太快。

旅行團在台車禍五港人死亡
10月 18日 星期一 21:15 更新

關鍵旅行社台灣團的遊覽車在台灣九份山區翻車，5名港人死亡，另有超過三十人受傷，旅客指摘當時車速太快。

旅遊車上當時有兩個香港旅行團共33名香港旅客、香港領隊、當地導遊和司機，合共卅多人，其中蘇潤歡、蘇潤美兩姊妹、楊小曼、黎健恩及陳窩死亡，其餘所有人受傷。

今早上午團員前往遊覽瑞芳附近的金瓜石風景區與九份老街，中午用餐後，雙層遊覽車於下午二時半左右下山，在著名風景區九份山區近派出所一個急彎時失控衝出路面，全車翻側，車頭被一條電纜桿檔，仍擱在公路上，但車身和車尾則擱在下面的斜坡。

四人被壓在車內的最底部，有待救出，而送醫的傷者中的一對姊妹證實死亡，壓在車體內的乘客全數被救出，但當中三人死亡。死者是四女一男。

有生還者表示，車禍發生前，「三多之旅」遊覽車司機徐仲興以手機與人聊天，但似乎與對方吵架，越開越快，才會在九份派出所附近翻車，而駕駛則是否認這項說法，指是天雨路滑、煞車不靈。警方表示，出事真相有待調查。

兩個團共分三天團(25人)和四天團(12人)，共10男27女，事發之前，有4人沒有上車，所以幸免於難。

日記 | 18/10/2004 SS Quiz

今日ＳＳ　Ｑｕｉｚ，於是一返都公司就開始做Ｏｎｌｉｎｅ　Ｑｕｉｚ，做左５～６次就差唔多可以背晒ｄ答案，一分鐘就可以做晒１５題同１００％　ｃｏｒｒｅｃｔ。

今係做ＨＭＡ既Ｔｅｓｔ，ｄ中國人話我地個ｆｒａｍｅｗｏｒｋ整死佢地既ｐｒｏｇｒａｍ，要我地去ｆｉｘ下，其實ｉｎｓｅｒｔ唔到個ｒｅｃｏｒｄ都無理由賴個ｔｒａｎｓａｃｔｉｏｎ架啦。不過算，照樣ｄｅｍｏ一個俾佢地睇，等佢死得心服口服。

下晝好晒，行左一陣就晒死。跟住就幫ｋｅｎｎｅｔｈ去ｔｅｓｔ個新ｆｒａｍｅｗｏｒｋ，勁慢同成日ｔｉｍｅｏｕｔ，仲要個ｓｅｒｖｅｒ試試下試死左。真係唔想ｈａｅ都唔得。

夜晚返學ｑｕｉｚ，真係太白癡啦～～～我同ｖｉｎｃｅｎｔ都忍唔住笑，ｄ題目同個ｏｎｌｉｎｅ　ｑｕｉｚ一模一樣，跟本無睇個ｄ問題就知答案，ｑｕｉｚ左１０幾分鐘就閃啦，跟住大家都無ｍｏｏｄ去繼續上ｌｅｃｔｕｒｅ，於是一行６人行去長沙灣食湯水，食完就散水。都唔明ＳＳ上黎做乜，最大作用都係純粹俾個幾會大家聯誼下～～～

日記 | 17/10/2004 不知所謂～～

今日約左啊羅同啊燊食ＴＥＡ，啊燊話想食飽Ｄ所以我地去左幸福樓飲茶，當時係三點鐘都未到，但係都已經開始催人落Ｏｒｄｅｒ。我諗時間尚早野，點知原來有人果晚係果度擺酒。係幸福樓擺都已經ｃｈｅａｐ架啦，仲要係三點半就成棚人殺上黎。咁ｄ伙計開始催人埋單，但係我地仲係成台都係野，埋原單，差唔多成間野所有茶客都就晒，淨返我地三條友阻住個地政轉，跟住ｄ伙移開我地隔離個碗櫃，一移開就有差唔多五六十隻小強四圍走。頂！！！ｄ伙計仲要笑笑口咁搵隻腳掃ｄ小強，仲要話：佢地嚇走左，唔食啦～～～離晒普，不知所謂！！！

跟住返左屋企ｈａｅ左一陣間，就出左去同啊公啊姨等人食飯，成日都係食食食，訓訓訓～～～

日記 | 15/10/2004 思覺失調

今日都係好無聊，係公司都唔知做乜好，ｄ　ＭＣＳ已經搞點晒啦，所以都係ｈａｅ為主，自己研究下點樣去ｄｅｃｒｙｐｔ　ｄ　ｐａｓｓｗｏｒｄ，但係都無乜成果。

放工答應左ＰａｔＰａｔ去聽思覺失調既ｔａｌｋ，雖然好似有ｄ癲，但係都不過不失，學到ｄ野同埋都幾得意既～～～不過ＰａｔＰａｔ係唔係真係有思覺失調，真係有待觀察～～～

日記 | 09/10/2004 大尾督ＢＢＱ

今日大家以ＪｏｅＪａｙ既生日為名，一齊相約去大尾督ＢＢＱ。下晝同ＬｅｅＨａｎｇ，威廉等人係大埔四圍買燒烤料，跟住就坐７５Ｋ入去大尾督。唔知點解，一入華潤買野就係咁打乞嗤，近住成程車都係生人勿近咁係到包雲吞。

入都去大尾督，好多人，好難得先至搵到個爐，不過好可惜係無台，不過都照殺因為ＪｏｅＪａｙ話附近有個好似啊嬌～～～自己成晚都係係度鼻敏感，無乜ｍｏｏｄ去燒，點知轉眼間，所有野已經燒晒啦，可以燒既就只有炭～～～呢次都係第一次ＢＢＱ唔夠野食，諗下諗下原來我地只係用左百零蚊去買野食，１３人每人１０蚊都唔知有無～～～

見無野食就同ＰａｔＰａｔ四圍行下影下相，跟住大家就行左去船灣淡水湖主霸。沿途講＋笑＋影相，行左差唔多４５分鐘先行到盡頭，已經好倦啦～～～跟住Ｍｉｋｅ同Ａｎｎｉｅ等人唔知點解越行越快，好似好趕咁，我地都唔追啦。行到中途都係停低坐下睇下星星，雖然今次無係銀礦灣咁舒服，但係都好正。夜晚，望住天上既星星，有一種好平靜既感覺，我亦都發現個鼻敏感好番，無再流鼻水～～～

跟住出番去大埔食糖水Ａｎｇｅｌ同Ａｎｇｅｅ走先，而我地去左食許留山，十二點半ＭＣＣ，ＰａｔＰａｔ同Ｍｉｋｅ走先。跟住我同Ｖｉｎｃｅｎｔ，威廉，Ｋａｌｅｅ等搭Ｎ２７１出市區，車上見到大家都好似意猶未盡，仲想有ｄ餘興節目，不過好可惜，係Ｖｉｎｃｅｎｔ，Ｂｏｎｎｉｅ同ＪｏｅＪａｙ落車前都未能搵到合悉既節目，所以都係歸家吧～～～

日記 | 08/10/2004 稻香飲茶

今日最大節目都係晏晝出去食飯，仲要係Ｍａｎａ同啊龍請，慶祝佢地升職。成個朝早都係係度該改ＭＣＳ既ＰａｒｔＮｏ，睇黎ｄ人都好怕無野做，我派出個百幾個ｔａｓｋ，無人肯嘔返出黎。大家都要ｋｅｅｐ住ｄ　ｔａｓｋ係手先開心～～～

中午去左厚德稻香魚港飲茶，飲到２點半先返公司，加上今日係星期五，所以成個下晝都係等放工～～～

日記 | 02/10/2004 屯門打Golf

今日約左ＪｏｅＪａｙ，Ｍｉｋｅ同Ｖｉｎｃｅｎｔ去打屯門Ｇｏｌｆ，去都發展果ｄ　ｓｔａｆｆ真係好唔掂，都無問過我就擅自當我要任打套餐，最衰既係套餐仲要係唔包球桿要另租。我當然唔肯啦，貴差唔多一倍既價錢，何況一個鐘，打得幾多個波呀～～～跟住我話要散買，佢話已經出左飛，唔改得，今時今日點可以容忍ｄ咁既服務態度呢～～～結果佢都要死死氣地出過ｄ飛～～～

打完ｇｏｌｆ去左市中心ｈａｅ左一陣，然後搭ＬＲＴ同ＷＲ去荃灣，原本Ｍｉｋｅ同ＪｏｅＪａｙ想去睇２０４６，但係行動告吹，於是係荃灣食完晚飯後就散啦～～～

日記 | 01/10/2004 釣魚+煙花

今日約左ＬｅｅＨａｎｇ等人去釣魚，去到東涌匯合ＪｏｅＪｏｙ，Ｍｉｋｅ，ＰａｔＰａｔ，Ｓａｍ，跟住搭Ｓ５２去到飛機維修區ＨＡＥＣＯ外面釣。釣左個零鐘，都係餵魚，仲要係一放落去就俾魚食左，都唔明Ｄ魚點食，完全唔上釣。釣釣下都無乜心機釣啦，於是四圍影下相啦，話晒都係自己公司。六點記幾就出返去啦，趕返出灣仔睇煙花，等埋ＭＣＣ一齊出去會展睇。

睇完就去左Ｃｉｔｙ　Ｓｕｐｅｒ食飯，然後去左天后食甜品，間野真係好難食，完全無味。跟住就散水啦～～～