日記 | 24/06/2006 星期六

今日下晝Ｐａｔｐａｔ約左出黎，原本諗住係大家樂食個ｔｅａ，但係叫乜無乜，成個ｌｉｓｔ都係呢樣無果樣無咁，激鬼氣～～～於是去左附近既茶餐廳食，間野好騎呢～～～

跟住行行下就去左Ｂｏｎｎｉｅ補習果到，ｃａｌｌ左佢出黎，係銅鑼灣兜左陣就走啦～

日記 | 23/06/2006 連理枝

今日係唔同既銀行過黎過去，幾經辛苦先搞掂，見到中銀個新黎既姐姐苦笑，真係唔好意思。

晏晝無拿拿收到ＪｏｂｓＤＢ送＜連理枝＞既戲飛，真係完全唔知發生乜事，仲送埋ＰｏｓｔＣａｒｄ，咁岩夜晚約左Ｋｅｎｎｅｔｈ哥出黎食飯，去到Ｔｉｍｅｓ　Ｓｑｕａｒｅ見到６５蚊張飛加上齣野係無乜人睇，於是就拿拿臨換飛啦。可能對齣戲係無乜期望，所以發覺齣戲又幾好睇喎，一齣典型既韓國片。

跟住去左香河食越南野，都唔錯，然後係銅鑼灣行左陣，食左個糖水走返屋企。

日記 | 22/06/2006 OOCL

今日去左ｉｎ　ＯＯＣＬ，真係唔知以乜心情去ｉｎ好，好想做？唔係；唔想做？又唔係。都係以一個一試無妨既心態去ｉｎ。

一去都就填份ａｐｐｌｉｃａｔｉｏｎ　ｆｏｒｍ，唉，我連自己報左ｄ乜都唔記得，於是都係拿拿臨打電話求救～～～跟住寫左遍文，都係講點去ｓｏｌｖｅ　ｄ　ｐｒｏｂｌｅｍｓ之類既題目。然後就同ＨＲ個姐姐用三文兩語對話，唉，自己ｄ普通話真係出唔到街，當唔知自己想講乜加上要用普通話講果陣，真係好難架～～～

講左一大輪，然後再左個ｔｅｃｈｎｉｃａｌ　ｔｅｓｔ，激難，仲要係衰到頭２ｘ題都係ＭＣ就以為全份卷都係ＭＣ，點知最尾幾題居然係Ｌｏｎｇ　Ｑｕｅｓｔｉｏｎ～～～完全做唔晒～～～

之後就黎左２個ＩＴ既人又ｉｎ過，講左激耐，由電腦有關既野到平時睇乜書都有問，然後又再介紹公司一次，先至完到個ｉｎｔｅｒｖｉｅｗ～～～足足搞左３個半鐘，哈哈，差唔多半個ｍａｎ　ｄａｙ。

夜晚約左Ａｎｎａ出黎，順便諗住叫下佢一齊上去，係中旅睇左一輪，當然係無結論啦。然後係銅鑼灣行左一輪，再入左ＴＫＯ湊埋佢弟弟出黎食飯～～～

日記 | 21/06/2006 B9TL

夏至－鹿角解，蟬始嗚，半夏生。

今日都係係屋企主打Ｓｅａｒｃｈｉｎｇ，下晝出左去囉部Ｖｏｌｖｏ　Ｂ９ＴＬ，唉，部部都有Ｄ瑕疵，不過都算啦，最緊要就唔好俾人開過黎玩～～～



夜晚先知聽日ｉｎ果份ｊｏｂ係同ｒｉｃｋｙ同阿Ｌｕ同ｔｅａｍ。

日記 | 20/06/2006 MOOV

今日都係係屋企做下Ｓｅａｒｃｈｉｎｇ，下晝出左去買左ｄ信封同寄左ＣＡＩＴＯＩＩ既野，希望會有結果啦～～～

夜晚ｒｅｇｉｓｔｅｒ網上行個ＭＯＯＶ，都唔錯～～～

日記 | 19/06/2006 小同聚

今日出左去買左Ｄ　ＤＶＤ＋ＲＷ黎試下部ＤＶＲ，發覺部野其實都幾易ｈａｎｇ機，尤其是係ｈａｎｄｌｅ　ｄ　燒碟既ｏｐｅｒａｔｉｏｎ，都係慢慢了解下佢～～～跟住買左隻Ｓｔｏｒｙ　ｏｆ　Ｊｕｎｅ，發神經架！隻碟ｄ　ｃｏｐｙ　ｃｏｎｔｒｏｌ搞到部腦係唔可以就咁播隻碟，真係不知所謂，真金白銀買隻正版返黎係播唔到架囉，真係麻Ｑ煩。搞左一大輪先制伏到呢Ｄ麻煩野，哈哈！

夜晚約左Ｊｏｈｎ出黎食飯，唉，都差唔多５～６年無見過啦，難得佢返香港仲記得自己～～～出左去銅鑼灣食，唉，好貴＝．＝

日記 | 18/06/2006 父親節

今日係星期日，即係道理上係無人會大黎同無人會ｓｅｎｄ　ｅｍａｉｌ，所以都係係屋企休息下，ｈｅａ下，ｓｅａｒｃｈ下野～～～

日記 | 17/06/2006 大減價

今日係星期六，ｄ時間真係過得好快，話咁快就月中，真係渾渾噩噩咁就ｈｅａ左半個月。

上晝送左部ＤＶＤ錄影機黎，好似好勁咁，不過有Ｄ複雜～～～

下晝約左ｐａｔ　ｐａｔ出黎行街，見佢份工真係幾長時間，都幾辛苦。不過，都好過無啦。係銅鑼灣四圍行，四圍都做緊大減價，都買左少少野，然後就四圍搵野食，再行多陣就返屋企啦。

夜晚同啊羅傾左好耐～～～

日記 | 16/06/2006 Searching

今日都係Ｓｅａｒｃｈ下野為主，下晝出左去買返條ＴＶ　ＣＡＢＬＥ，唉，都唔明點解ｄ　ＣＡＢＬＥ會成日斷～～～

日記 | 15/06/2006 CPCS

今日去見ＣＰＣＳ，唉，由好開心突然變成好唔開心，結果係點都無人知，只希望盡快能夠作一了結。

下晝返屋企換完衫再出去搵Ｋｅｎｎｅｔｈ哥，係ＳＯＧＯ行緊過陣，撞到師傅佢地２個，真係日頭唔好講人～～～哈哈。

食完飯之後去左世貿打機～～～

日記 | 13/06/2006 棋差一著

尋晚好倦，但係今日又晨早起身，執晒ｄ野，跟住過左去半山會所食早餐。然後就落左去超市，銀行搞左一輪，跟住又上返去。
原本諗住今日果個死野唔自動送上門就可以不了了之，加上阿姨個電話無晒錢，簡直係天助我也。係屋企靜靜地等埋ｄ超市送貨黎之後就可以閃人，不過正當我想閃人之際，個死野就縱上黎。唉，棋差一著，咁都俾佢截到，算囉，就俾佢做啦。

係走果陣落大雨，加上又岩岩走左架車，不過好好彩遇到另一個，車左我地出去食野，然後就搭直巴返屋企。

日記 | 12/06/2006 好忙

今日真係玩野，又係晨早起身，個超市明明話９～１１送貨，又落晒去食早餐，結果人地就走左。跟住諗著去銀行囉錢，又無拿拿全部停電，下晝先有。跟住去食早餐，又俾對面果個潑到成身都係醋。跟住去左超市擦卡俾埋條尾數，唉，晨早一次過俾晒咪好囉，何必搞咁多野呢。

跟住上去，間屋有Ｎ個人出出入入，有個死野上黎講東講西，當佢以為我地係水魚之際，我只係話做２個ｉｔｅｍ，佢ＥＨ都無得ＥＨ。

下半場仲精彩，管理處ｓｅｎｄ左Ｎ條友上黎，勁似某某女傭公司既廣告咁，我都無眼睇，成屋Ｄ人行黎行去，果果都係到問：老闆，可以嗎？唉，我都唔知咁多，遲Ｄ再發現新問題先去管理處投訴。

個肥婆又無拿拿縱上黎，跟住叫埋個Ｄｅｓｉｇｎｅｒ上黎，睇佢個ｌｏｏｋ都幾ｐｒｏ，如果做得好到會ｂｕｙ佢個ｐｌａｎ。然後個肥婆介紹我地去半山會所食ｔｅａ，哈哈，果然唔錯，可以再試。

跟住返到屋企，終於塵埃落定，ｄ閒人終於走晒。於是開始大掃除，由於買左支低ｂ掃把，掃得勁辛苦，再者，我都未試過用一支有維他命Ｅ既洗潔精洗地。

夜晚，只係ｈｅａ食左碗麥皮（我到唔想），然後就收檔啦～～～

日記 | 09/06/2006 CPCS

今日終於有返少少時間去搞下個Ｂｌｏｇ～～～哈哈～～～

晨早起身，就出左去見ＣＰＣＳ，唉，以後真係要記住，Ｅ１１　８：００既下一班車係８：２０，唔好等啦～～～好彩地鐵同Ｓ６４都好快，岩岩好去到，不過好大雨。做左２個鐘左右，完全係ｅｘｐｅｃｔｅｄ，嘻嘻，ｔｈｘ　ＰａｔＰａｔ同Ｋｅｎｎｅｔｈ哥，諗走時係黑雨，唉，完全濕晒咁行返去車站～～～

下晝係屋企ｈｅａ下，跟住就收到ＣＰＣＳ打黎叫Ｉｎｔｅｒｖｉｅｗ，駛唔駛咁快呀～～～哈哈。

原本Ｅｄｍｏｎｄ約左出黎睇波，但係見落咁大雨都係算啦。

見到有一個２５０ＧＢ既ＮＡＳ，有Ｄ衝動想買～～～

日記 | 07/06/2006 畢業啦

今日晨早Ｖｉｎｃｅｎｔ打黎話出左Ｇｒａｄｅ，唉，今次個ｃｒｅｄｉｔ係最多既一個ｓｅｍ，加埋個ｆｙｐ，真係好驚個死野會點出ｇｒａｄｅ。不過，都好好彩，今次個ｇｒａｄｅ真係一個令我滿意既ｇｒａｄｅ。終於畢業啦～～～

下晝約左Ｔｏｍｍｙ出黎囉ＰＰＣ，明明話過左中環楷街市，但係都有人會去左港澳碼頭＝＝

係灣仔，旺角行左一輪，買左Ｄ野，睇極ｄ　ＤＶＲ都係無乜岩心水，都係係ＰＣＣＷ換好Ｄ。然後去左花園食之後就返屋企～～～

日記 | 06/06/2006 海神號

芒種－螳螂生，鵙始嗚，反舌無聲。

今朝晨早就收都ＣＰＣＳ既電話去做Ｔｅｓｔ，哈哈，估唔到咁快～～～

今日同Ｖｉｎｃｅｎｔ，師傅，Ｍｉｋｅ同Ｂｏｎｎｉｅ佢地唱Ｋ，唱左好耐，差唔多１２點唱到６點，之後等埋ＰａｔＰａｔ放工就係尖嘴食飯。食完飯就過左去黃埔睇海神號，哈哈，成齣戲都係非常驚險，一開波１５分鐘就沉船，完全無喱頭～～～

日記 | 05/06/2006 Searching

今日係屋企都係Ｓｅａｒｃｈ下野，一次過ａｐｐｌｙ左幾份。夜晚出左去俾ｄ野Ａｎｎａ，哈哈，佢原來係ｔｒａｉｎ緊ＡＥ，真開心～～

跟住夜晚同Ｅｄｍｏｎｄ食飯，食完飯係銅鑼灣ｈｅａ行下，睇下ｄ　ＤＶＲ～～～

日記 | 04/06/2006 Census Training

今日係Ｃｅｎｓｕｓ既ｔｒａｉｎｉｎｇ，唉，去到堅尼地城ｔｒａｉｎ，全程都係睇片為主，加上個啊Ｓｉｒ係極ｈｅａ，所以都係好快咁就過左，其間食ｌｕｎｃｈ既時候撞到啊健～～～