日記 | 31/01/2006 大年初三

今日係年初三，由於赤口關係，所以今日係無拜年活動。原本話同Ｖｉｎｃｅｎｔ去馬場跑返個賀歲杯，不過今日得知Ｖｉｎｃｅｎｔ尋晚入左急症室，又暈又嘔，真係令人擔心。

上晝都係係屋企ｈｅａ下，下晝約左Ｔｏｍｍｙ出黎又去天馬艦玩，哈哈，今日個ｓｈｏｗ同尋日係完全唔同，唯一一樣既係個司儀姐姐，一樣係都搞爛ｇａｐ。今日帶左部相機出黎，影既相終於似返ｄ樣，同埋今日ｄ時間鬆動ｄ，可以慢慢睇～～～

四點幾去左Ｃａｆｅ　ｄｅ　Ｃａｒｏｌ食ｔｅａ，有ｄ人真係不知所謂，買個餐竟然可以漏左ｄ最重要既野，仲要老屈個牌收左～～跟住去落左去中環又係去買車車，哈哈，架５周年ｓｏｌｄ　ｏｕｔ啦，Ｔｏｍｍｙ只係買左架啟航版同熱狗車。買完車去左ｉｆｃ諗住買飛睇戲，點知要成７０蚊一張飛，結果就用電話訂左奧海城既飛，雖然話就話係５５蚊張飛，但係加６蚊既手續費加１０蚊車費過海，結果仲貴過係ｉｆｃ睇，真蠢！

６點幾就走返去天馬艦睇下費城既ｌａ　ｌａ　ｔｅａｍ啦，點知去都已經表演緊，玩左一分鐘就散場。跟住既廣州，非洲等等民族表演都係無乜興趣，係最尾既ＵＣＬＡ既樂隊有Ｄ睇頭～～～

睇完ｓｈｏｗ就求其去左ＫＦＣ食ｄｉｎｎｅｒ，然後拿拿諗過海睇賊壇新人王，哈哈，唔錯唔錯，雖然個估仔最尾交代得唔太清楚，但係都值得推薦。

日記 | 30/01/2006 大年初二

今日係大年初二，晨早流流個表哥就上左黎，但係我都未起身～～～真係有ｄ騎呢。跟住過左海去拜年。哈哈，去到都係食食食食食，真係除左食之外都無乜其他野好做。食左幾粒鐘，都諗唔到有乜其他野好做，啊公就話要趕返長洲，於是都係拿拿諗咁又過返海，真係玩黎玩去。

去到中環，諗起有城巴服務站，於是去八下有無架５周年賣，哈哈，居然有開門兼有得賣喎，於是就ｒａｉｓｅ左部啟航版同５周年版既車車。跟住諗住行去天馬艦影下花車，哈，竟然係有ｓｈｏｗ睇，於是係裡面不停影相。最鍾意既都係國泰既花車，話晒遲幾日就要ｉｎｔｅｒｖｉｅｗ，哈，話唔定出年係呢到同人揮手～～～

係天馬艦坐玩左幾個鐘，最尾個ｓｈｏｗ係日本既竿燈會，我地係咁影，扮下去左日本都好～～～成個ｓｈｏｗ我都好鍾意，唔知下年會唔會有？

望下望下都差唔多７點，於是拿拿諗去搵ｄ野食，然後出左去會展睇煙花，今日無乜風，ｄ煙散唔到，無咁靚～～～

日記 | 29/01/2006 恭喜發財

今日係年初一，祝大家新年快樂，心想事成。

今日四圍去拜年，真係除左迪士尼線同機鐵外地鐵乜線到坐過。夜晚去左睇「國泰航空新春國際匯演之夜」，今年無上年咁好睇。

國泰航空公司　－　國泰以港為家六十載


香港旅遊發展局　－　時刻發現精彩香港


香港迪士尼樂園　－　體驗奇妙力量

歲次丙戌

日記 | 28/01/2006 送雞迎狗

今日係年廿九，但係由於今年無年三十關係，所以係今晚食團年飯。

呢幾日都諗緊ｃａｔｈａｙ既ｉｎｔｅｒｖｉｅｗ究竟講乜好。

今日出左去作最後衝刺，結果係三聯買左幾本書，原本淨係諗住齋買果本手記ＩＩ，但係見到師傅果本Ｅｍｂｒａｅｒ，哈哈，毫不猶豫咁又買埋，跟住埋單時又話買夠２００蚊ＨＳＢＣ好以減１０％，又買埋本ＡＴＣ。無拿拿買左二百幾蚊野～～～

唉，夜晚無拿拿落大雨，都係無乜ｍｏｏｄ出去行，都係耍下雀賺返ｄ駛費～～～

日記 | 27/01/2006 行花市2

今日一朝早就去左想ｉｅｌｔｓ，然後去左南山食ｌｕｎｃｈ。係ｌａｂ玩左一輪狗仔之後就同Ｖｉｎｃｅｎｔ出左去買野。Ｖｉｎｃｅｎｔ係又一城買左條褲，然後出旺角諗住買鞋，不過，係旺角行黎行去，都無佢既ｓｉｚｅ，所以最後都係無買就閃。

夜晚同飯團同仁一齊行年宵，勁多人。行左２個ｒｏｕｎｄ就走，成團人都無人買到野。然後去左炮台山食糖水。唉，又多間野要ｂｌａｃｋｌｉｓｔ，成間野ｄ人都發緊夢，ｄ燉蛋唔凍又唔熱，又無乜味添，加ｄ豉油真係可以做蒸水蛋。

日記 | 26/01/2006 行花市

今日約左Ｖｉｎｃｅｎｔ出黎香港島行，唉，始終覺得叫佢地出香港島係一件大事，真係～～～首先去左金鐘新巴諗住買車車啦，點知佢話無五周年果架，如果佢狠ｄ話無晒都好，最衰佢話遲ｄ有，結果都係無買到。

跟住行左落去ｉｆｃ食ＭｃＤｏｎａｌｄ，然後諗住去上環囉ＶＩＳＡ既獎品，去到發現間野落左閘，門口有２個師奶同一個阿叔企係度望下望下，問左隔離個ｒｅｃｅｐｔｉｏｎ，都話係果度。企左陣，見到佢地係咁打電話，有個師奶無拿拿行過黎搭訕，話佢地又係囉ＶＩＳＡ既贈品，而家打緊電話去投訴，叫我一齊ｒｅｇｉｓｔｅｒ埋個投訴，只要講低個ＶＩＳＡ　Ｎｕｍｂｅｒ就ｏｋ。哈哈，我更係唔會睬佢地啦～～～

跟住係上環四圍行，去左永安行，見到大減價。哈，估唔到會有ｄ岩睇既野，結果同Ｖｉｎｃｅｎｔ一齊揀起衫黎，個ｓａｌｅｓ睇人都好準，ｓｕｇｇｅｓｔ既衫都幾好睇，不過揀左一論，就收到國泰既電話，叫話下下個星期二去ｉｎｔｅｒｖｉｅｗ，有ｄ驚。係永安搞左一輪，搞到Ｖｉｎｃｅｎｔ連堂都唔上，買左四百幾蚊野，個ｓａｌｅｓ又話抽獎，開珍珠等等，好複雜。結果珍珠係騙人既，另一邊就抽到個無聊ｔａｂｌｅｍａｔｅｓ，有ｄ搞笑。

跟住又拿拿諗返返去ｌａｂ，都係ｈｅａｉｎｇ為主。去左ｇａｒｄｅｎ　ｃａｆｅ食野，好難食。然後上３１８５，都唔係上堂既，差唔多完全無聽過，我地仲搞到人地由聽書ｍｏｄｅ轉為唔聽ｍｏｄｅ。

夜晚上完堂去左行花市，一行１１人浩浩蕩蕩咁出銅鑼灣行，同師傅，Ｖｉｎｃｅｎｔ一齊買左一家３口既狗仔公仔，哈哈，好ｃｕｔｅ。

然後呢，無拿拿又過左去旺角食糖水。唉，去又好似好白痴咁，唔去又好似好唔俾面咁，結果都係夜麻麻過左旺角間石磨坊食糖水，然後坐通宵巴返屋企。

日記 | 25/01/2006 Shopping

今日原本常要上ｉｅｌｔｓ　ｃｏｕｒｓｅ，但係，遲左起身，所以都係無上。

中午去左ｆｏｏｄ　ｃｏｕｒｔ食ｌｕｎｃｈ，跟住就去左上排波，唉～～～真係～～～無事搵黎做，上完堂就成個人散晒，點解我會咁豬去報ｄ咁既ｃｏｕｒｓｅ架！

上完堂，同左Ｐａｔ　Ｐａｔ，Ｖｉｎｃｅｎｔ，ＭＣＣ去行街街Ｓｈｏｐｐｉｎｇ，係又一城行左陣後就入左去沙田繼續Ｓｈｏｐｐｉｎｇ。哈哈，ＰａｔＰａｔ狀態大勇，竟然同時買到衫同鞋，大大話話都講左成年，都算係過年前終於了結到。

夜晚係ｓｔｅａｋ　ｅｘｐｅｒｔ食，都係一般，唉，始終覺得沙田無野好食，都係減少ｄ入沙田好ｄ。

今日既脾氣都幾暴燥，加上諗起黎緊仲有７堂排波，諗氣就勁想丙友。

日記 | 24/01/2006 射箭

今日好凍，差唔多１２點鐘先起身，哈哈～～～但係我約左Ｖｉｎｃｅｎｔ　１２點去旺角囉電話，結果差唔多１２點９先出到去。跟住同Ｖｉｎｃｅｎｔ係旺角行，買左注六合彩，而佢就買左隻ＤＶＤ，跟住又返去Ｃｉｔｙ同Ｂｅｔｔｉｎａ食ｌｕｎｃｈ，有ｄ無聊，都唔知出旺角做乜。

食完飯就去左射箭，唉，搞左一大輪，先知原來師傅係Ｔ０３，好差呀。而Ｖｉｎｃｅｎｔ就尷尷尬尬咁ｗａｌｋ　ｉｎ，但係成班ｆｕｌｌ晒，結果都係無得ｗａｌｋ　ｉｎ。射左２個鐘，都幾好玩。

跟住落ｌａｂ見ｓｌ　ｈｕｎｇ，又係以不變應萬變～～～然後係ｌａｂ玩左陣就走～～～

夜晚對ｍａｒｋ　ｓｉｘ～～～囉返個本。

今日俾２個唔同既人問，讀緊書定做緊野，當我話讀緊書時，佢地到不約而同地反問：ＨＫＵ？

日記 | 23/01/2006 西九海濱長廊

今日主力上堂，一開始就上ｅＣｏｍｍｅｒｃｅ，開始覺得呢科唔係齋吹水，有ｄ得人驚。跟住去左食ｔｅａ，然後係ｌａｂ　ｈｅａ。跟住再上ｃｈｉｎｅｓｅ　ｃｏｍｐｕｔｉｎｇ，教Ｃ＃，真係好似教ｙｅａｒ１咁，逐個ｓｔｅｐ寫晒出黎。然後又落ｌａｂ，坐左陣就走。

原本約左Ｔｏｍｍｙ食飯，兼俾埋部Ｋ　Ｔｒａｉｎ佢，但係唔知點解，最ｃｒｉｔｉｃａｌ既Ｋ　Ｔｒａｉｎ竟然唔記得帶，唉，無辦法啦，唯有返屋企囉再出黎啦。返屋其途中，威廉話買ｍａｒｋ　ｓｉｘ，於是兜左上去深水步買，亦都係我唯一次中過既地方。

然後拿拿諗返屋企囉野，再出尖嘴，尖東站好大，竟然又ｄ迷路既感覺。跟住去左ｏｃｅａｎ　ｔｅｒｍｉｎａｌ間大家樂食，試左過芝士火鍋，都唔錯，不過係ｄ芝士少左ｄ，原來係有得加～～～

食得飽飽就去左行，行行下就去左西九海濱長廊，哈哈，真係鬼影都唔多個，雖然唔算好長，但係都不失為一個好ｈｅａ既地方。跟住去左妹仔記食湯水然後閃。

日記 | 22/01/2006 FYP

今日Ｖｉｎｃｅｎｔ無拿拿話部電腦上唔到網，於是下晝就同佢一齊返ｌａｂ。係ｌａｂ都係半ｈｅａ半做ｆｒｅｅｌａｎｃｅ半做ｆｙｐ。夜晚係ｃｉｔｙ食埋飯就返屋企。

日記 | 21/01/2006 AORE

今日考ＡＯＲＥ，係完全無ｐｒｅｐａｒｅ過既情況下去考，係巴士到先開始識驚。係車到撞到Ｊｅｎｎｙ，即係一齊去釣魚果個，哈，佢竟然仲認得我，佢又係去何文田考ＡＯＲＥ。

成份野都唔之做左Ｄ乜出黎，總之寫左２篇中文一篇英文。跟住落返旺角去搵師傅，Ｖｉｎｃｅｎｔ佢地。哈哈，佢地係旺角ｈｅａ左好內都未有ｃｏｎｃｌｕｓｉｏｎ食乜。於是係亂ｔｈｒｏｗ既情況哈，無拿拿ｃａｔｃｈ左個火炭大排檔出黎。

一班人又浩浩蕩蕩咁入火炭，真係好似火車係唔駛錢咁。去到上次過間津津，唔知點解，齋睇個名係無乜問題，但係一上就發現原來碟碟都係炸野，勁熱氣～～～

然後去左禾輋叫埋ＪＪ出黎食糖水，去左大圍雲疊食，Ｄ野都不過不失啦。然後就搭最後一班１８２返屋企。

日記 | 20/01/2006 大寒

大雪－鶡旦不嗚，虎始交，荔挺出。

今日係大寒，真係有ｄ凍。

朝早返去上ｉｅｌｔｓ　ｃｏｕｒｓｅ，差少少就去錯班房～～～

日記 | 19/01/2006 亂行

今日約左Ｖｉｎｃｅｎｔ出黎行街街，哈哈～～～係尖沙嘴ＭｃＤｏｎａｌｄ食左ｄ野後就去四圍行，係中港城到行行下見到架２３８ｘ於是就無拿拿捉左佢上車。哈哈，架車去變完全唔知，結果去左海濱花園。去到海濱花園後就轉船入左去珀麗灣，馬灣都係第一次去，個景都唔錯，幾靜添。

不過就係無乜野買，同埋無乜野食，於是就走返出去青衣，坐唔到架電動巴士，就有ｄ失望。

係青衣ｈｅａ行左陣，買左ｄ老婆餅返去同師傅上堂食。夜晚上Ｃｈｉｎｅｓｅ　Ｃｏｍｐｕｔｉｎｇ，哈哈，唔知講乜～～～

夜晚同師傅，ｌｅａｄｅｒ，Ｖｉｎｃｅｎｔ同威廉一齊出去食飯，ｔｒｙ左Ｎ個地點，不過都係ｔｈｒｏｗ晒，一個都ｃａｔｃｈ唔到，ｆｉｎａｌｌｙ去左左敦既澳洲牛奶公司食左個火腿通粉早餐，唉，都唔知點解夜麻麻有咁多人食早餐。食完野係大家諗唔到食唔食糖水既情況下就早ｄ返屋企啦。

日記 | 18/01/2006 Crossark

今日第一堂上ｉｅｌｔｓ既ｃｏｕｒｓｅ，唉，晨早起身返去上３個鐘既英文，唔知可以堅持到幾多堂？

無拿拿分左班，結果我同ＰａｔＰａｔ上同一班。上英文就真係有ｄ悶，上完堂就同師傅，ＪＪ等去左ＫＦＣ食羅馬雞翼。跟住落左ｌａｂ　ｕｐｄａｔｅ左份ｒｅｓｕｍｅ，諗住聽下果間Ｃｒｏｓｓａｒｋ係乜來頭，點知～～～真係非常失望，一間自稱黎自矽谷，有實力既ｓｔａｒｔｕｐ喎，結果都係唔交份ｒｅｓｕｍｅ好ｄ。

日記 | 17/01/2006 機場

今日晏晝同左Ｗｉｌｓｏｎ，Ｔｏｍｍｙ，Ｊｕ，叻姐食ｌｕｎｃｈ，跟住入左機場～～～

日記 | 16/01/2006 開學啦

今日係ＳＥＭ　Ｂ既第一日，亦都係Ｄｅｇｒｅｅ既最後一個ＳＥＭ，真係過得好快，４年咁就黎玩完啦。

尋晚一直做ＦＹＰ做做做到差唔多天光，唉，都好，差唔多將所有舊野轉晒做．ＮＥＴ啦。跟住訓到差唔多１２點幾，然後拿拿諗返學。

第一堂上既係４２８６，Ｉｎｔｅｒｎｅｔ　Ｓｅｃｕｒｉｔｙ　ａｎｄ　Ｅｃｏｍｍｅｒｃｅ　Ｐｒｏｔｏｃｏｌ，睇黎又係一個吹水科。跟住去左ｃａｎｔｅｅｎ食左個ｂｒｕｎｃｈ　ｔｅａ，真係不知所謂。然後落左ｌａｂ等ＳＬ，不過都係上左３１８４　Ｃｈｉｎｅｓｅ　Ｃｏｍｐｕｔｉｎｇ先見佢，果個ｔｕｔｏｒ係台灣人，ｄ廣東話勁搞笑，都係講返英文啦～～～第一堂學既係點ａｄｄ返個手寫落去，同埋不斷係咁講，唔識”昌頡”唔緊要，呢科係唔駛識輸入法。然後落返ｌａｂ見ＳＬ之後就閃啦。

去左金鐘囉狗仔年紀念飛，見到有調景嶺車賣，於是Ｒａｉｓｅ左部，哈哈，係ｍｔｒｓｈｏｐ買野有抽獎卡，果個阿姐一手拿左成疊俾我。不過都係無乜ｊｅｔｓｏ。

然後落返灣仔幫叻姐買ｃａｒｄ　ｒｅａｄｅｒ，都係以平為主。

日記 | 15/01/2006 燊畢業

今日同阿燊影畢業相，哈哈，講左咁耐，終於成事。

中午出發前原本諗住去郵局買狗仔年郵票，但係原本收２點，無緣。係香港站ｊｏｉｎ埋Ｊｅｓｓ，燊同Ｖｉｎｃｙ就出發入屯門。係地鐵到撞到Ｔｏｍｍｙ，哈哈，仲要係燊無叫佢先撞到我地，有ｄ尷尬。

係美俘站ｊｏｉｎ埋Ａｎｎａ，入到ＬＵ都差唔多３點鐘。跟住四圍影下相，阿燊無拿拿耍功夫，傻左～～～阿羅跟住黎埋，之後去左城軒食飲茶，結果６條友竟然唔過１００蚊。５點鐘阿朱同Ｆａｎｎｙ黎埋，但係我就要趕返出去同阿公食飯～～～

夜晚同Ｗｉｎｎｉｅ行銅鑼灣，係Ｕ２買左件褸，幾好，唔錯。係ＭｃＣａｆｅ竟然撞返阿燊佢地成班人。世界真係細～～～

日記 | 14/01/2006 FYP

呢幾日都好多野做，原本夜晚去ＵＳＴ　ＢＢＱ，不過ｃａｎｃｅｌ左。於是都係做下ＦＹＰ。

日記 | 13/01/2006 網上辯論

今日一早返Ｃｉｔｙ交ＩＥＬＴＳ既ｃｏｕｒｓｅ　ｆｅｅ。真係好ｈｅａ，尋晚先ｓｅｎｄ　ｅｍａｉｌ出黎，今日就係ｄｅａｄｌｉｎｅ，仲要係１２ｎｎ前ｄｅａｄ。跟住同Ｖｉｎｃｅｎｔ，ＰａｔＰａｔ同Ｌｅａｄｅｒ一齊去食ＭｃＤｏｎａｌｄ，試左個香港先有既雞包，唔好食，換埋隻公仔，都幾得意，有蘇民蜂既來年運情。

跟住去左ｆａｘ　ｄ　ｓｔａｔｅｍｅｎｔ俾ｐｃｃｗ，哎，ｆａｘ左勁耐先ｆａｘ到。然後落左ｌａｂ　ｈｅａ。４點幾，約左Ｋｅｎｎｅｔｈ哥，同佢去左黃大先某一小學，佢要做網上辯論既評判，好勁。估唔到而家ｄ小學係用ｎｅｔ　ｍｅｅｔｉｎｇ形式去做校際辯論比賽，好勁ｘ２。

跟住出左去紅磡，Ｖｉｎｃｅｎｔ走先。係都會ｈｅａ左陣等Ｋｅｎｎｅｔｈ哥囉野，然後過返海去左銅鑼灣食花園，好多人。食完之後行左陣就閃～～～

日記 | 12/01/2006 鄭和號

前幾日師傅話見到我地係公司玩果部７７７既ｍｏｄｅｌ賣，哈哈，等左咁耐終於肯出呢部既野，於是今日約左師傅出黎Ｒａｉｓｅ　ＭＲ，而Ｖｉｎｃｅｎｔ又無野做，所以一齊出左去旺角買飛機。

下晝出到去旺角間ＵＭＬ，先知果架７７７係要一ｓｅｔ咁買，一次過買３架，包括一架最傳統既７７７－２００ＬＲ，一架７７７－２００ＬＲ既鄭和號－再下西洋版，同埋一架７７７－３００ＬＲ既機。見到咁既情況，當然諗諗先，於是去左大快活食ＴＥＡ，一食就食左２個幾鐘，人地叫飛已經過左１００個ｎｕｍｂｅｒ。

跟住諗出去第二間ＵＭＬ睇下會唔會有得單買，但係結果都一樣。仲要架７７７－３００係花左，於是又行返去師傅附近間ＵＭＬ買。哈，又係最後一套，都唔知係唔係吹水。結果我要左架下西洋同７７７－３００，佢地笑左勁耐。

跟住四圍行行行，大家都唔覺得肚餓之際，唯有一路向東行。由油麻地行左去慈雲山，係慈雲山中心又２個姐姐不斷向後望我地，當我地係色狼咁。唉！唯有白白痴痴咁坐低睇下新聞先。

十點幾，我地係間手攪麵Ｓｅｔｔｌｅ　ｄｏｗｎ。叫左ｄ炒粉麵飯，不過不失啦。差ｄ因為２蚊而唔見左架飛機。跟住行返落去黃大仙，ｈｅａ左一輪，見無乜糖水好食就走啦。

架鄭和號好似同真野有ｄ出入。

Lyric | 拍住上

拍住上

那次你出局　就連帶我也屈辱
跟你彷如至親沉痛　要抱著你哭
我進了一步　像提你也要趕路
想領先想對方遲到　我們做不到

如兩個永遠得一個慢　怕早晚都失散
情侶　有了高下怎麼玩

共你一起拍住上揚威　定要一起美麗　我先美麗
若誰　失手了　不要計哪個不抵
就算一起拍住會沉底　沒有分先與後　無論高矮
好友　也像拍拖　難得會拍一世
離開　再會亦是投契

各有各的命　若然你較我好命
差距反映美好的人性　替同伴高興

日記 | 11/01/2006 出Grade

今日係出ｇｒａｄｅ既大日子，但係尋晚實左係太倦，所以訓到成１１點幾先ｃｈｅｃｋ　ｇｒａｄｅ，可能心中有數關係，所以唔太緊張去ｃｈｅｃｋ　ｇｒａｄｅ。結果都係比預期既好。

跟住返左ｌａｂ去見ＳＬＨ，都係無乜做過野就走去見佢～～～

係ｌａｂ　ｈｅａ左輪，得知個個人既ｇｒａｄｅ都係高得有ｄ驚人，突然好唔開心添～～～

夜晚係九龍兜兜轉轉，係廣東道塞左勁耐，於是都係行西隧好ｄ～～～

日記 | 10/01/2006 直覺

今日一早約左Ｗｉｌｌｉａｍ，Ｖｉｎｃｅｎｔ，ＭＣＣ等人去沙田踩單車，勁慢加壞車。

之後係ＭｃＣａｆｅ飲野，某人黎左，有ｄ怪。

之後出返Ｃｉｔｙ　ｊｏｉｎ埋師傅，Ｌｅａｄｅｒ，ＰａｔＰａｔ等等係Ｃｉｔｙ　ＢＢＱ，然後出左去太子食糖水。

成日既野大致已經講完，直覺話俾我知，唔好再做無聊野，今晚真係有ｄ勉強。

另一方面，始終覺得，觀人於微，一ｄ好細微既地方就可以推斷出果個人既真性情。（唔駛問係邊個，係你！）

日記 | 09/01/2006 FYP

今日約左Ｖｉｎｃｅｎｔ返去做ｆｙｐ，首先去左深水步同佢買左隻牛，然後去左ｃｈｅｃｋ　ｄｉｓｐｌａｙ　ｃａｒｄ，跟住食埋個ｔｅａ先返ｌａｂ開工，左左好耐先搞掂２版無聊野，跟住夜晚同ｌｅａｄｅｒ去左南山食ｄｉｎｎｅｒ。

日記 | 08/01/2006 兜風

今日都係訓訓訓訓，個死人ＳＬ無拿拿晨早９點幾就打黎，唔知佢想點。

今日成日都係做ＦＹＰ，半ＨＥＡ半做咁。跟住Ｅｄｍｏｎｄ上左黎，食左ｄ野，又ｈｅａ左陣。

夜晚同Ｋｅｎｎｅｔｈ出去兜風，上左山頂，傾左好多野，今晚好凍。

日記 | 07/01/2006 休息

今日都係訓覺為主，約左ＳＬ，不過都係推左。

夜晚係屋企打邊爐。

Lyric | 北風

北風

嬴得悲觀的心　無法和你過去拉近
別看著我　比不相識更陌生

如果　不懂得翻生　微笑　那會吸引
若你害怕　手心的牽引　永遠也會淪陷

是我未自問　先興奮
但你越來越疑惑　與我那裏相襯
我都很想知道　怎可愛一個人像世界中心

人如路過的北風　吹過是你的天空　空氣令你呼吸都有點心痛
明明熱愛中相擁　擁抱後偏偏傷風　太美麗你完全不敢碰
途長路遠的北風　因你靜了為何你放鬆　鬆開我　說令你痛
我更加痛　原來一聲慰解 亦過重(原來手機會響 人沒法接通)

忙碌　等於分心　難怪接過的吻
沒有令你眼睛都緊閉　怕信我有遺憾

日記 | 06/01/2006 IELTS Pretest

今日返左Ｃｉｔｙ考ＩＥＬＴＳ　Ｐｒｅ　Ｔｅｓｔ，晨早返左去考３粒鐘，始終都係ｗｒｉｔｉｎｇ弱左ｄ，好多字都唔字點講好，唉，遍文寫得好差，自己都無心幾ｒｅｃｈｅｃｋ。跟住既ｒｅａｄｉｎｇ同ｌｉｓｔｅｎ都算ｏｋ啦，唔知有幾多分呢？

跟住同Ｖｉｎｃｅｎｔ，ＰａｔＰａｔ，Ｌｅａｄｅｒ等人去左ｆｏｏｄ　ｃｏｕｒｔ食，跟住係ｌａｂ　ｈｅａ等ｓｐｅａｋｉｎｇ　ｅｘａｍ，等等下都係無乜ｍｏｏｄ食，跟住見到Ａｎｎｉｅ話約左ＳＬ落黎，無辦法要拿拿臨走佬。同Ｖｉｎｃｅｎｔ走難咁去左搭地鐵，去左深水步睇左陣野，然後行左去富昌村，係麥記買左隻卡樂Ｂ。

跟住就搭Ｋ１６去左尖嘴行ＳＯＧＯ，沿途都係傾Ｄ好深入既野。哈哈，唔知點解會傾得咁認真。跟住去左沙田行下ＥＳＰＲＩＴ，今晚約左一個好騎呢既飯局，有我，Ｖｉｎｃｅｎｔ，Ｂｏｎｎｉｅ，師傅，ＭＣＣ等人同埋去雲南果時既芷君。係四圍都無位既情況下去左連城Ｓｔａｇｅ　Ｃａｆｅ，間野真係好好好差，ｄ野勁難食，抵死得佢ｓｅｔ係無餐茶，ｆｉｎａｌｌｙ　ｂｌａｃｋｌｉｓｔ左佢。

係新城市ｈｅａ行左陣就決定去大圍食糖水，１２點左右就散。

日記 | 05/01/2006 小寒

小寒－雁北鄉，鵲始巢，雉始鴝。

今日都係係屋企休息下，唉，ｌａｂ部機無拿拿ｈａｎｇ左，想做ｆｙｐ都唔得。

日記 | 04/01/2006 Add Drop

今日係ａｄｄ　ｄｒｏｐ既大日子，我都係全權俾晒Ｖｉｎｃｅｎｔ處理，結果呢，下個ｓｅｍ就讀ｃｈｉｎｅｓｅ　ｃｏｍｐｕｔｉｎｇ同ｅｃｏｍｍｅｒｃｅ加兩個ＰＥ　Ｃｏｕｒｓｅ。哈哈，有ｄ頹，有時間既會去ｓｉｔ下ｄａｔａ　ｗａｒｅｈｏｕｓｅ。

中午約左Ｔｏｍｍｙ，Ｗｉｌｓｏｎ，Ｊｕ同Ａｎｎａ食返，係灣仔，銅鑼灣食ｌｕｎｃｈ真係一件難事，四圍都係人。食完野大家都係各自返回工作崗位，而我同Ａｎｎａ就四圍行，睇下衫，去左ＩＫＥＡ睇下傢私，發現齋睇係ｏｋ，不過ｕｓａｂｉｌｉｔｙ真係差左ｄ。

師傅無拿拿叫晒所謂人轉Ｃｈｉｎｅｓｅ　Ｃｏｍｐｕｔｉｎｇ去Ｔ０２。哈哈，於是開左個５人電話會議，而ｆｉｎａｌｌｙ　Ｖｉｎｃｅｎｔ同Ｗｉｌｌｉａｍ係走唔甩。

日記 | 03/01/2006 整機

今日係２００６第一個工作日，都係拿拿諗囉塊底板去九龍灣整。哈哈，唔駛１０分鐘，就ｃｅｒｔｉｆｙ，於是佢地就換過塊新既俾我，真開心，有新板用。跟住返屋企裝反部機，搞左一日，終算整好。

終於收到ＣＲＥ　Ｒｅｓｕｌｔ，哈哈，終算新年有個好開始。