日記 | 22/05/2006 香港->新加坡

今日就出發啦，但係都好似好多野都未搞掂，真係好忙～～～

晨早就出左去銀行兌錢，順便問埋點解個ｃｕｒｒｅｎｔ　ａｃｃｏｕｎｔ無左，原來３個月無郁過就會自動ｃａｎｃｅｌ，有無搞錯呀，我ｄ　Ｄｉｓｎｅｙ支票一張都未用過～～～

跟住去左剪髮，真１係一失足成千古恨，講錯一句話剪短ｄ就係咁剪，越睇就越心寒～～～

係屋企執埋ｄ行李就拿拿諗搭地鐵ｍｅｅｔ師傅，Ｖｉｎｃｅｎｔ興奮過度，提早１個鐘，即係３點去到機場。

我同師傅差唔多４點半先去到，然後ｃｈｅｃｋ　ｉｎ，跟住無聊到爆，由北閘行到南閘先過關。過關時，Ｖｉｎｃｅｎｔ全身都係金屬，俾靚姐姐搜身，掃左好耐，佢再度興奮～～～

過完關就去左食Ｂｕｒｇｅｒ　Ｋｉｎｇ，我同Ｖｉｎｃｅｎｔ都叫左個餐，唔錯～～～但係師傅叫左個６蚊既雪糕，激難食喎～～～

再係機場ｈｅａ左陣，係Ｇａｔｅ２１附近遊盪，差唔多最後先上機～～～

上到機，囉左條熱到嘔既熱毛巾，Ｖｉｎｃｅｎｔ係咁轉毛巾，師傅食晒佢條毛巾飛出黎既野～～～哈哈。跟住食左一餐，有Ｈａａｇｅｎ　Ｄａｚｓ食，個雪糕硬都對面個呀嬸要用刀黎鑿。然後我地做左ｄ　Ａｒｃｈｉｅｖｅ既工作，當以為我地已經好勁既時候，駭然發現斜對面個呀嬸仲勁，一招紙巾蓋頂，就當無事發生～～～

到達新加坡都已經２２：２０，一落機又要做ｓｅｃｕｒｉｔｙ　ｃｈｅｃｋ，Ｖｉｎｃｅｎｔ又俾人掃～～～唔知點解，我地誤會左個Ｂｏｒｉｎｇ　Ｔｉｍｅ（２２：４０）做Ｄｅｐａｒｔｕｒｅ　Ｔｉｍｅ（２３：４０），所以極速跑去，去到先發現係Ｎｏｔ　Ｙｅｔ。跟住係機場四周圍行下，去左７－１１等等無聊舖頭，都無乜野好買。

２３：２０就登機，師傅個位極污糟，於是佢坐左上前面～～～咁就過左今日啦～～～

日記 | 21/05/2006 長洲

小滿－苦菜秀，靡草死，麥秋至。

今日入左長洲同舅父食飯，唉，自己聽日就出發去澳洲啦，行李都未執，原本都唔諗住入架，不過講到可能以後都見唔到，都要去見下啦～～～

今日做左件自己好抗拒既事，真係發現係眾人面前祈禱係好大壓力，可能我覺得我未感覺到啦，呢ｄ野係唔迫得架！！！

成日都係長洲行黎行去，好倦，夜晚落大雨，唉，臨去旅行又落咁大雨，諗返自己次次去旅行都淋到成隻狗咁（去台灣２次都係落大雨，去雲南又係落足咁多日），唉，希望今次去澳洲唔好落雨啦～～～

食食下飯有Ｎ隻飛蟻飛左入黎，超級得人驚，仲要係成隻蜻蜓咁大果Ｄ，真係嚇死～～～結果要食燈食埋餐飯，一來唔會再吸引Ｄ飛蟻入黎，二來係無眼睇～～～

夜晚執行李同埋同師傅ｃｈａｔ到５點幾～～～

日記 | 20/05/2006 達文西密碼

今日考ｅｃｏｍｍｅｒｃｅ，經過上次中文電腦既一役，呢科絕對不能掉以輕心，雖然都唔知自己答左ｄ乜出黎，不過整體黎講都算係過得去啦。

由於之前買左部ＤＶ送左Ｄ　ｄａ　ｖｉｎｃｉ　ｃｏｄｅ既戲飛，加上ＰａｔＰａｔ聊去睇，於是考完試就約左佢出黎同埋Ｖｉｎｃｅｎｔ，師傅，Ｌｅａｄｅｒ佢地睇，點知四圍都無位，於是就去左德福睇～～～

係宜家食左餐無呢頭既ｄｉｎｎｅｒ，真係唔知食左ｄ乜，然後就去睇戲。由於無乜位，於是都係靠邊坐，先發現個戲院原來咁闊，另一邊出既聲係聽唔到架～～～

講返齣戲，好複雜，同今日ｅｃｏｍｍｅｒｃｅ既考試好襯，一樣都係唔知講乜，不過都算係不過不失啦～～～

日記 | 14/05/2006 仲有8日

今日都係係屋企ｈｅａ下，順便搵下旅行ｄ　ｉｎｆｏ。睇左ｄ動物園同ｌｏｃａｌ　ｔｏｕｒ既資料，個個都差唔多咁，無乜結論。

日記 | 13/05/2006 簽約

今日晨早就搭車上番禺搞左一輪，仲算係搞點晒ｄ野，然後係四圍ｈｅａ哈，見到有個車展就順便揀埋架車，哈哈。ｄ國內廠出果ｄ車真係特別樣衰ｄ～～～行下行下，都睇到過晒鐘，於是都係拿拿諗食ｄ野然後就搭車返落黎。

回程架車個司機癲架，一路楂車一路食野，飲水，梳頭，搞收音機等等，係香港搞搞下收音機其間試過剷過上石膊，真係不知所謂。

日記 | 12/05/2006 Plan 旅行

今日約左師傅，Ｌｅａｄｅｒ佢去傾去澳洲ｄ野，哈哈，原本約２點半，我３點返到去都仲有時間同Ｖｉｎｃｅｎｔ食個ｔｅａ先，哈哈。

傾左一陣，都係無乜特別既結論，係ｌａｂ　ｈｅａ到７點幾就出左去旺角食華香雞，哈哈，我地一直都搵唔到ｄ麵包係邊到囉出黎。

日記 | 11/05/2006 中文電腦

今日上晝都係到死煲中文電腦，夜晚考試，唉，好似好多唔識添，無乜心機去ｄｉｓｃｕｓｓ份卷既內容啦。

考完試諗住去南山食，點知要等４５分鐘，當然唔睬佢啦，於此成班人浩浩蕩蕩咁行左去深水步食打冷，但係俾人指左過去對面間茶餐聽食，質素一般。跟住轉個頭就去左後面街間糖水舖食埋個甜品就返屋企啦。

日記 | 10/05/2006 溫書

死啦，玩左幾日都無乜溫過中文電腦，今日都係要努力ｄ溫書啦。

日記 | 09/05/2006 Tommy生日

今日中午先記得係約左溥溥同Ｗｉｌ食ｌｕｎｃｈ，去左間越南野食，差唔多啦。然後同溥溥ｈｅａ行，其間得悉佢竟然去新加坡工幹，真開心。

跟著返屋企羅埋本ｐａｓｓｐｏｒｔ同相，反轉間屋先發現疊相原來係台面。跟住去左旺角搵師傅同Ｖｉｎｃｅｎｔ就去左交錢同做証。

夜晚同左Ｔｏｍｍｙ去左食Ｂｕｆｆｅｔ，哈哈，生日快樂喎。去左華美達食，完全不知所謂，唔怪得知咁平啦。隔黎坐左對相體中既男女，ｄ內容超搞笑，完全係九唔答八。跟住去左德福睇瘦猛猛奇兵，已經俾足心機去睇，但係真係麻麻地好睇。

日記 | 08/05/2006 圖書館

今日返左ｌａｂ去見ｓｌｈｕｎｇ，點知係地鐵果條隧道撞到佢，佢完全無左回事，唔記得係約左我。不過算啦，哈哈，今日返黎既主要目的都唔係見佢既，主要係幫Ｅｄｍｏｎｄ　ｐｒｉｎｔ野同自己ｐｒｉｎｔ返份ｒｅｐｏｒｔ，順便抄埋ｄ資料返屋企。

跟住入左去沙田搵Ｖｉｎｃｅｎｔ食ｔｅａ，係中央圖書館搵下去澳洲ｄ資料，哈哈，好耐到無去過圖書館啦。

跟住去左ｏｎｅ２ｆｒｅｅ問左漫遊ｄ野，問完同無問過一樣，然後就返屋企啦。

日記 | 07/05/2006 Heaing

今日都係係屋企ｈｅａ下，想溫書但係無乜ｍｏｏｄ。

今日ｏｎｅ２ｆｒｅｅ打黎話續約，但係只係話送我２００分鐘，仲少過上次，哈，我一口拒絕左佢～～～

日記 | 06/05/2006 飯團

今日一起身就要改ＦＹＰ，真係慘～～～然後就返左去見個死野。哈，唔知點解佢既態度突然變得好好，柄左佢幾野都無乜反擊，於是都係同佢好好相處，改左陣ｄ　ｃｏｄｅ好似唔係好ｗｏｒｋ咁，於是都係求其改住ｄ　ｍｅｎｕ俾佢先，遲ｄ先改埋佢～～～

夜晚約左叻姐，溥溥，Ｊａｃｋｉｅ，Ｗｉｌ佢地去食飯，去左曼谷食。哈哈，大家都想搵ｄ野玩，不過都係得個講字～～～

日記 | 05/05/2006 佛山南灣

立夏－螻蟈嗚，蚯蚓出，王瓜生。

今日晨早起身，搞左ｄ銀行野，然後去左食上海式早餐，哈哈，唔錯～～～

跟住入左佛山南灣, 其間好似話有龍捲風～～～。果個南灣勁大同勁靚，個Ｇｏｌｆ　Ｃｌｕｂ同個會所真係唔錯，而ｄ屋既ｓｔｙｌｅ都幾好，其中一間房係用消防車做主題，好正～～～

跟住就出返去食埋ｄ野之後就返香港～～～

日記 | 04/05/2006 廣州

今朝真係有ｄ感觸，不過成件事整體黎講都算係正確，但係從此就有排煩～～～

下晝出左廣州食野，不過勁多人，無乜心情行，夜晚差ｄ返唔到去～～～

日記 | 03/05/2006 番禺

今日上番禺，希望能夠搵個靜靜地既地方休息下，同埋開始溫下書。

一去到就搞呢樣果樣就無左一日啦～～～

日記 | 02/05/2006 MSc BIS

今日出左去同師傅食ｌｕｎｃｈ，期間收購個無理既要求，簡直係不知所謂。然後係旺角四圍行旅行社，睇住ｄ人好似做ｓｈｏｗ咁，真係好搞笑，其中果間實惠俾足晒戲，又打電話又噤電腦，不過要遲２個ｗｅｅｋ出發同去１４日，痴線～～～

最後都係去左學聯買左～～～心情有ｄ沉重～～～

夜晚收到ＭＳｃ　ＢＩＳ既ｏｆｆｅｒ，哈哈，正如Ｋｅｎｎｅｔｈ哥所講，係近排唯一一件值得開心既事～～～

日記 | 01/05/2006 澳洲

一夜之間就決定左去邊，真係有ｄ突然，今日約左ｄ主角出黎睇機票，無意間醒起一個好重要既ｐｏｉｎｔ～～～

由於係假期關係，好多間野都ｃｌｏｓｅ左，於是就去左中圖館ｈｅａ，然後食埋ｄｉｎｎｅｒ先返屋企～～～