日記 | 25/09/2005 三號風球

今日原本阿公出黎，但係成日都落大雨，加上三號風球，都係大家係屋企休息下好ｄ。

夜晚返宿。

日記 | 24/09/2005 好HEA

今日約左Ｅｄｍｏｎｄ出黎，係麥記食左個ｌｕｎｃｈ後，係腦場ｈｅａ左真就返左屋企睇戲。三號風球下都唔知有乜好做。

夜晚出左去旺角食韓燒，然後四圍行左陣就返屋企。

日記 | 23/09/2005 返屋企

今日朝早起身，同Ｐａｔ　Ｐａｔ煮麵食當午餐，然後去左上堂。

落堂後，原本約左Ｋｅｎｎｅｔｈ哥，但係都ｃａｎｃｅｌ左。於是係ｌａｂ　ｈｅａ下就走。

日記 | 19/09/2005 中秋節翌日

尋晚差唔多無訓過，今朝飲埋早茶先訓。差唔多全日都係訓覺，夜晚約左Ｔｏｍｍｙ出去食訓，係銅鑼灣行黎行去，都搵唔都有乜好食，諗住搵返果間食吞拿魚料理既舖頭，點知行到去灣仔都搵唔到，結果都係去左食元氣。

食完野諗住去發記食糖水，點知勁多人，結果都係去左食ＭｃＣａｆｅ，唔知點解近排都係去ＭｃＣａｆｅ食糖水。

日記 | 18/09/2005 中秋節

尋晚真係好倦，今日差唔多訓到１點先醒。

今日下晝都係係屋企執下野，夜晚同屋企人做節。

夜晚十點幾約左一班大同出黎玩，原本諗住係九龍公園玩蠟燭，但係Ｄ清潔啊姐話每人只可點５～８支，但係我地成１０個人就唔可以點８０支。於是就係公園ｈｅａ下，玩下ｄ螢光捧，但係１２點就關門，只係食左ＭＣＣ個蛋糕就要走，跟住係尖沙嘴行黎行去，不停搵地方企，慢慢就演變為企係街打ＷＩＮＮＩＮＧ，最後係麥記ＨＥＡ左陣，３點幾就返屋企～～～

今日個月光好圓，但係好多雲。

日記 | 17/09/2005 D Lee 結婚

都好一段日子無ｕｐｄａｔｅ過個ｂｌｏｇ～～～開左學好多野做～～～

今日係Ｄ　Ｌｅｅ既大喜日子，終於都同Ｍｓ　Ｎｇａｎ結婚啦。哈哈，佢地都行左好耐啦～～～

夜晚，去左銅鑼灣飲，上到去影下相，同ｄ同學仔寒暄下。跟住睇下表演，魔術等等～～～ｄ野都好好食，不過ｄ　ｓｅｒｖｉｃｅ真係好差呢，食得好趕急，態度有唔ｐｒｏ喎～～～

夜晚同啊羅同Ｊｅｓｓ去左世貿打機，好倦～～～

日記 | 16/09/2005 WE 9

今日都算係第一日既早堂～～～１０：３０上３３３５，唉，晨早一部電梯壞左，諗住行落去就算，點知落到地下度門係防火門，一推就會響，於是都係行返上１樓等ｌｉｆｔ。

３３３５第一個ｔｕｔｏｒｉａｌ，都係不停劃Ｅｕｌｅｒ　ｃｉｒｃｕｉｔ同Ｈａｍｉｌｔｏｎ　ｃｉｒｃｕｉｔ，都明佢講乜既～～～原來好多人有做ｃｈａｌｌｅｎｇｉｎｇ　ｐｒｏｂｌｅｍ，得閒真係要做下先得～～～

跟住落ｌａｂ裝機，都係不停搵ｄ　ｓｏｆｔｗａｒｅ　ｉｎｓｔａｌｌ，跟住去左ｇａｒｄｅｎ　ｃａｆｅ食，唔知點解坐係室外食，好熱～～～

下晝又係上３３３５，今次講ｇｒｅｅｄｙ　ａｌｇｏｒｉｔｈｍｓ。上完堂返ｈａｌｌ執野，Ｋｅｎｎｅｔｈ哥上左黎一齊ｈｅａ下，然後落左去深水步睇ｇａｍｅ，Ｋｅｎｎｅｔｈ哥隻馬騮竟然可以ｔｒａｄｅ到＄１８０，淨賺＄３２，早知買啦～～～自己又入左隻ＷＥ９，都係抱住試下玩既心態，希望唔好３分鐘熱度啦～～～

夜晚約埋ＬｅｅＨａｎｇ，Ｊｅｓｓ，Ｂｒａｎｄｏｎ同Ｒｉｃｋｙ出黎食飯，全台人都係到玩ＰＳＰ～～～食完返行左去新港打機，然後去左食糖水，大家吹下水咁，１１點機就返屋企啦～～～

日記 | 15/09/2005 MLA ? APA?

今日呢，１１點機威廉打黎叫食飯，一起身就食ｌｕｎｃｈ，有ｄ頹，係又一城坐左好耐，等埋Ｖｉｎｃｅｎｔ出黎，食完飯就落ｌａｂ裝機，要由頭裝起到幾辛苦。裝到一半就去上ＥＮ，ｄ　ｒｅｆｅｒｅｎｃｅ既ｆｏｒｍａｔ改黎改去，一時ＭＬＡ，一時ＡＰＡ，個鬼佬都唔自己講緊乜，一時要（），一時又要””，真係好煩～～～

上完堂又落返去裝機，但係無拿拿俾條友指指點點，無乜ｍｏｏｄ裝機～～～跟住就去左食飯，然後上３３８２，個ＬＴ既燈壞左，成堂都係黑孟孟咁上，但係佢都照講，雖然唔係好清楚佢講乜，只係知佢不停開佢個ｗｉｋｉ出黎玩，同埋無拿拿又裝個ｎｅｔｓｃａｐｅ落部機～～～但係又一樣野係好清楚，呢科絕對唔係野少～～～

日記 | 14/09/2005 中秋晚會

今日真係好無聊，晨早趕落去食ｌｕｎｃｈ後就上３３８２既ｔｕｔｏｒｉａｌ，但係佢只係用左１５分鐘教我地點去申請ｂｌｏｇｇｅｒ既ｓｅｒｖｉｃｅ就算，又唔點名～～～

跟住落ｌａｂ教ｆｏｒｍ，係ｌａｂ　ｈａｅ左陣就同威廉出左去深水步睇機，都係ｈｅａ下ｈｅａ下咁行，係深水步食左個ｔｅａ之後我就返左屋企，因為上次唔記得拎個叉電機返ｈａｌｌ，結果部電話完全無電～～～

夜晚約左Ａｎｎａ出黎，主要係俾Ｄ　Ｌｅｅ張帖俾佢，約埋Ｐａｔ　Ｐａｔ一齊出黎食飯，之後就同佢上左ｈａｌｌ參觀，ｈｅａ左一陣，落左去樓下既中秋晚會行左陣就走～～～

唔記得左今日係Ｔｏｍｍｙ既生日～～～生日快樂！

日記 | 13/09/2005 唔係難就係淺

今日上晝同Ｊｅｓｓ，ＬｅｅＨａｎｇ，ＪＪ，Ｋａｌｅｅ，Ｐａｔ　Ｐａｔ打羽毛波，好倦，跟住去左食ｔｅａ，師傅佢地叫左個ｈｉｇｈ　ｔｅａ，好ｇｒａｎｄ～～～然後去左上ＥＮ既ｌｅｃｔｕｒｅ。唉，佢講既野真係同自己既ｆｙｐ完全２回事～～～

夜晚上３１８５，唉，條友真係成晚不停遊花園，真係唔知佢想點，講講下ＣＡ，無拿拿會講到石油危機，跟住會講到瑞士精工錶～～～上完堂，只有１個結論：”呢個世界既野，唔係難就係淺架啦，你明既，就好容易，你唔明既，就好難囉”

日記 | 12/09/2005 FYP Meeting

今日上晝都係係屋企ｈｅａ下，執下野咁，食完個ｌｕｎｃｈ先返ｈａｌｌ。

返ｈａｌｌ前，約左ＳＬ出黎傾ｆｙｐ既野，都無見過佢２個月啦，雖然都好似無乜做過野，但係佢都收貨～～～

夜晚同Ｖｉｎｃｅｎｔ落左去ｃａｎｔｅｅｎ食飯，然後去左佢間房吹下水，睇下相～～～

日記 | 11/09/2005 休息

今日呢，主要都係係屋企ｈｅａ下，休息下咁啦～～～

日記 | 10/09/2005 Birthday

今日係媽媽既舊曆生日，夜晚出左去果間綠野仙綜食，好抵食～～～

日記 | 09/09/2005 返屋企

今日上晝個ｔｕｔｏｒｉａｌ　ｃａｎｃｅｌ左，於是執埋野先走，第一堂上３３３５，感覺都唔錯，至少明佢講乜呀～～～

跟住同Ｐａｔ　Ｐａｔ，Ｍｉｋｅ，Ａｎｇｅｌ食ｔｅａ，然後去佢地求其搵左間房去睇ｖｃｄ。跟住去搵Ｋｅｎｎｅｔｈ哥行深水步。

夜晚出左去合和食飯，叫得太多野，雖然好抵，但係唔太好食～～～

Info | My Schedule

MISC | Blogger遊戲

我被 LeeHang 貼中

規則：開始遊戲的人出一個題目，在自己的Ｂｌｏｇ上寫下答案，然後把題目丟給另外五個人，在文末附上這五個人的連結，並且到這五個人的地方留言。這五個被Ｔａｇ到的人，在自己的Blog注明（並附上連結）是從哪一個Ｂｌｏｇｇｅｒ那裡傳來的題目，然後寫下答案，再去貼另外五個人，如此繼續下去。

我的怪癖：
１）　喜歡行行下街換手帶錶。
２）　行街時成日都會回頭望，睇下自己有無跌野。
３）　俾錢前喜歡睇下張銀紙既號碼或者個年份。
４）　人地大聲叫我名，多數第一次係唔會應佢。
５）　喜歡儲５毫子硬幣。

被我貼了的人
Ｔｏｍｍｙ
Ｋｅｖｉｎ
Ｖｉｎｃｅｎｔ
Ａｎｇｅｌａ
Ｊａｃｋｉｅ

日記 | 02/09/2005 Disney 好萊烏

都好耐無ｕｐｄａｔｅ過個ｂｌｏｇ啦，今日終於有時間ｕｐｄａｔｅ下。

今日係呀媽既生日，晨早起身就去飲早茶，跟住就返屋企訓下。中午過左去尖沙嘴食ｌｕｎｃｈ，去左ｐｉｚｚａ　ｈｕｔ食，都係嘛嘛地好食。然後係ＬＣＸ行左陣，跟住就入左去迪士尼（因為有免費車飛），係迪士尼四圍行，跟住睇埋迪士尼樂園酒店同迪士尼好萊烏酒店，果間迪士尼好萊烏酒店雖然遠睇好似工廠，但係近睇就好靚～～～行左成個鐘，行到去迪欣湖，然後行返去搭地鐵就人。

出左去銅鑼灣食清亭，勁多人，上左去對面一樓食，但係真係唔知點解吸引到咁多人食，不過都好好食～～～食完係世貿行下就返屋企。

日記 | 01/09/2005 新人體奧妙展

尋晚裝機裝到好夜，加上自己熄細左冷氣，成晚訓得唔太好。晨早Ｔｏｍｍｙ就打黎話到左九龍塘，跟住接左佢上黎ｈｅａ，已我繼續裝機，去到１點左右就落左去又一城食ＫＦＣ，然後去左紅磡睇新人體奧妙展，學生價都要５０蚊，不過入面真係無上次咁震撼，可能日本人激Ｄ啦～～～入面有個所謂既激之館，真係不知所謂，初時我仲抱住好大期望入去睇，但係入面只係一Ｄ相同Ｄ因唔同Ｐｏｓｔ既人＝＝”。

出返去，有ｄ被騙既感覺，跟住搭左２６０Ｘ去屯門，沿途都係訓訓訓，係Ｊｕｓｃｏ買左２條褲同係Ｂｌｕｅ　Ｓｔａｒ買左４件衫後就無無聊聊係咁行。見到四圍都有ＯＳＩＭ既Ｒｏａｄｓｈｏｗ，仲有好多人試，真係咁好用？原本話去食珊瑚堡，但係由於食左雪糕，好飽，都係入元朗食下Ｂ仔就算啦～～～