日記 | 16/08/2006 月中

哈，咁快就做左半個月啦，呢半個月日日都好似好多野做咁，個個ｗｅｅｋ都排得密密麻麻咁，但係又好似日日好得閒咁～～～好矛盾。

今日放工果陣，見到個好天真既自由行問２個大叔路：”搭乜車去維多利亞港呀？”，佢問正２個玩野既大叔，結果被人耍左一大輪，最後仲要點左佢地去搭過海巴，話係隧道落～～～唉，好差！

日記 | 15/08/2006 死亡筆記

今日好倦，成朝都無乜精神做野。

夜晚同ｄ同事去左睇＜死亡筆記＞，哈，感覺良好，得閒睇返本書先得～～～跟住去左周記避風塘食宵夜，吹水吹到１１點幾～～～

ＰＳ：今日ＯＫ紙巾話：新朋友為生活帶來新姿彩。

日記 | 14/08/2006 剪髮

今日超倦～～～成日都係將Ｄ野開完又關，關完又開返～～～

夜晚去左剪髮～～～感覺唔太好，無乜驚喜～～～

日記 | 12/08/2006 有骨氣

今日係星期五，放工約左Ｋｅｎｎｅｔｈ哥出黎ｈｅａ，係ＳＳＰ行左輪，都係心大心細咁想買呢樣果樣。

跟住去左ＣＷＢ食有骨氣，仲話有ＨＳＢ既Ｐｒｏｍｏｔｉｏｎ，結果係乜到無，最無恥既係將ｄ肥牛捆綁埋ｄ無聊野一齊叫，結果每人成百五蚊都唔知食左ｄ乜～～～

日記 | 01/08/2006 Bycensus Day 18

今日係Ｂｙｃｅｎｓｕｓ既最後一日，真係話咁快就做完。由一開始話ｔｒａｉｎ下先再去到真係做，都差唔多半年啦，不過，又真係幾開心既，識左一班都係住灣仔既ｆｒｉｅｎｄ～～～

晨早去左麥記ｊｏｉｎ大家食早餐，之後就去左派信，然後就返ｃｅｎｔｒｅ執野收檔，搞左激耐，其間又唔見呢樣果樣等等騎呢事，去到一點終於叫做執好晒ｄ野。啊Ｓｉｒ請食ｐｉｚｚａ，哈哈，都算係咁啦～～～
之後大家都係到影下相，笠下野～～～哈哈。然後諗左好耐，究竟去邊到玩好，討論左成個鐘，都係無結論～～～返而係巴士上突然話去Ｊａｓｏｎ屋企玩，結果就成班人上左去打牌，之後出左去中記食，咁就玩完一個Ｂｙｃｅｎｓｕｓ。