日記 | 03/10/2007 又破財

今日都唔知發乜神經，老細無拿拿同每一個人作左編文，用勁多形容詞去描述每一個人上個月做過既野。係唔係咁得閒呀～～～

夜晚同隻象食飯，唉，又去日本～～～

既然真相可能會令自己失望，咁不如不要去知。

日記 | 25/09/2007 中秋

今日係中秋，有ｄ人今日勁黑。

今日公司放早，放工仲有ｔｅａ食，之後玩左陣電話，ｕｍ．．．可以諗諗佢。

夜晚，一輪混亂後終於有飯食，噓～～～

之後入左去淺水灣ｊｏｉｎ師傅佢地。Ｖｉｎｃｅｎｔ又被昆出黎，仲要落錯車，哈哈～～～

今晚個月光好靚，但好大風，都係吹水多。凌晨係ＴＫＯ食埋消夜先返屋企。

哈哈，無火車。

日記 | 23/09/2007 Tommy 生日

今日去左剪髮，哈哈，個師傅已經知道我會講”隨你喜歡啦”，都廢事問我就開波剪～～～

下晝返左去打羽毛波，幾經辛苦先贏得１局，但係已經輸到成身債～～～

夜晚出左去同Ｔｏｍｍｙ慶祝生日，哈哈，Ｗｉｌｓｏｎ竟然能係平凡中看見不平凡，果然觀察力強。係意粉屋食左真就移師去滿記繼續食，好開心呢～～～

日記 | 25/08/2007 第二日

第二日
高雄　－＞　國家科技工藝博物館　－＞　成功大學　－＞　大遠百　－＞　陳綺貞２００７台灣巡迴演唱會　－＞　高雄

．早晨！從一個ｈｅａ早餐開始。
．一架車塞５個人入去，哈哈。
．為一個ｆｏｌｄｅｒ亂填一份唔知講乜既問卷。
．一個好大既博物館，真係好大。
．Ｓｔａｒｂｕｃｋ　ｖｅｎｔｉ　ｓｉｚｅ都只係廿幾蚊港幣。
．自強原來有劃位。
．又係因為火車站而兜圈。
．瘋狂掃紀念品。
．極低能掃汽水，重到嘔。
．Ｆｏｏｄ　ｃｏｕｒｔ亂掃，發現台南同高雄有明顯分別。
．一開波就訓，哈哈。
．越夜越興奮。
．倦死返酒店。

日記 | 24/08/2007 第一日

有人話，我去台灣好似去長洲咁，話去就去。咁唔可以咁講既，話晒都係經過一輪嚴謹既ｐｌａｎｎｉｎｇ先成行到。

第一日
香港　－＞　高雄　－＞　夢時代　－＞　高雄８５　－＞　真愛碼頭　－＞　愛河　－＞　六合夜市

．機場發現無散紙搭巴士。
．唔知點橫過火車站，結果好低能咁買月台票。
．酒店質素符合價錢同預期，抵住！
．ＧＰＳ發現搭公車會不停兜圈，１０分鐘車程變成１個鐘。
．夢時代好多野買，樣樣都好似好得意咁，包括係Ｆｏｏｄ　ｃｏｕｒｔ內既發現。
．落大雨下去高雄８５大樓，發現唔同的士會停唔同地方。
．８５大樓內影左大量風景同低能相。



．原來裙越短，落ｐｕｂ係越平。
．再度發現唔同的士會停唔同地方。
．真愛碼頭裡面自己變左做台灣人。



．搭會自己夾扁既船遊愛河。
．六合夜市晚餐，因為自己唔係日本人令人失望。
．返酒店倦死啦。

日記 | 23/08/2007 序

A Piece of Summer, A Piece of You.

話說Ｎ個月前睇左幾場自己唔識既演唱會，果時都覺得演唱會之嘛，同睇戲差唔多，入到去岩聽就聽啦，唔岩聽就訓啦。

但係有其中一場就發現左Ｄ野，就係投入同埋忠於自己。初時覺得ｄ人ｓｈｏｒｔ　ｓｈｏｒｔ地咁，ｈｙｐｅｒａｃｔｉｖｅ咁，但係發現左其中一位能夠唔理其他人眼光，包括死活，為自己喜歡既偶像揮手，雖然對方未必見到佢，但係佢仍然默默地揮手。自己先發覺，佢呢ｄ先至係投入，參與其中。到後期去到Ｃｈｅｅｒ既校園ｃｏｎｃｅｒｔ，開始ｆｅｅｌ都呢種氣氛，唔錯。

事隔２個月後，發生左Ｎ件事，有ｄ問題一直困住我，而咁岩Ｖｉｎｃｅｎｔ無拿拿問去唔去台灣睇佢既ｃｏｎｃｅｒｔ。唔～～～都好，當散下心啦，所以去台北又好，台中也好，高雄都好。一句講晒，無所謂。

個旅程就係咁開始啦～～～

日記 | 12/08/2007 緣督以為經

今日乜都搞掂晒啦，連數到過埋，估唔到竟然係截數日之前都俾佢過到，真係勁。

下晝約左ｄ　ＰＧ同一齊打波，又係輸到扒係到。連續幾場都係２５－２５，不過都係輸。最後都係食蛋離場。
之後去左ＴＳＴ搵野食，四圍都係等，結果去左ＣＰＫ食。

ＵＭ～～～一般啦，好似無以前咁好食。係唔係變左我就唔清楚。說到底改變既又點只係個Ｐｉｚｚａ。

究竟自己係到諗乜，我自己都唔知，

莊子提出「緣督以為經」為養生之方法，即係凡事要順應自然，本著依乎天理，因其固然的原則，避開阻障不硬碰，那便能「可以保身，可以全生，可以養親，可以盡年。」或者換個方向想想，若要逆天性而行，傷害的只會是自己的精神。

日記 | 09/08/2007 搞掂

今朝好大雨，返到公司濕晒。而今日好勤力，做到７點先走人。夜晚所有野ｃｏｎｆｉｒｍ晒，ｒｅａｄｙ　ｔｏ　ｇｏ。

日記 | 08/08/2007 Verify By Visa

今日ｂｏｏｋ晒機票啦，搞左一輪，都係發現獅子銀行好用ｄ，果張ｄｂｓ都唔係路，ｏｎｌｉｎｅ　ｔｒａｎｓａｃｔｉｏｎ　６０００蚊都過唔到，打去ｈｏｔｌｉｎｅ問埋，都話唔得呀，無辦法呀，試下ｂｒｅａｋ開幾個細ｄ既ｔｒａｎｓａｃｔｉｏｎ啦。Ｃｈｉ　ｓｉｎ架，我買５套來回ｔｉｃｋｅｔ　ｂｒｅａｋ開５次買呀！

日記 | 07/08/2007 五星級大鼠

今日決定買機票啦，係ｏｎｌｉｎｅ買，唔知係個ｓｉｔｅ死定係個ｃａｒｄ有問題，試左幾次都唔得。算，遲ｄ打去剷佢。

夜晚睇左五星級大鼠，哈哈，好搞笑。

日記 | 04/08/2007 Vincent 生日

哈哈，今日係Ｖｉｎｃｅｎｔ既生日。生日快樂。

下晝出左去食ｐｉｚｚａ　ｈｕｔ，然後去左沙田行街街。係沙田兜黎兜去，都買唔都ｄ岩既野，真係估唔都，尋尋覓覓，終於係條冷清既天橋俾我搵到，哈哈。之後去埋ｄｏｕｂｌｅ　ｐａｒｋ買埋件衫，哈，大功告成。當然啦，自己都整返件獎勵下自己啦。

約左佢地係旺角，由於間野無台，要訂８點半先有，所以ｄ人晨早出晒黎但係四圍ｈｅａ。

Ｂｏｏｋ左小肥牛，比預定時間多遲左４５分鐘先有台，好差。食落都係一般啦，真係唔見得老細所講咁好食。都係新星好ｄ。

食到就黎１２點，但係下半場當然唔會放過佢啦。哈哈～～～

日記 | 23/07/2007 考車

今日真係考車啦，真係嚇死咁濟，一開波就驚到連燈都無打就開車，唉，淨係等出街都等左１０分鐘，一出就有車衝埋黎，急停左一下。灰晒，之後無那那考利興街，即係兜大圈，之後又唔記得獰頭望切線，要個考官出聲。唉，次次由利榮轉入利興都唔掂，今次亦都唔例外，停左係路口，有架貨櫃想入停車場，塞住係到～～～唉～～～個考官又出聲～～～

考完試ｓｈｏｒｔ左，部左個乜乜通課程，算啦，開心嘛～～～唯一少少失望係覺得發現關係真係可以咁脆弱，可以問都唔問下．．．

之後去左行書展，書展真係一個好難忘既地方，今次亦唔例外，哈哈～～～ｄ暑假作業好似唔洗錢咁，ｄ師奶係咁搶，邊樹做得晒呀。買黎炒咩。自己都入左唔少文具，哈，唔知有乜用。

係書展行都夜晚，之後出左去沙田ＵＣＣ　Ｃａｆｅ，真係唔明，點解山長水遠入沙田呢～～～

日記 | 15/07/2007 2個月

今日訓到中午，哈哈，下晝有Ｋｅｒｏｒｏ睇，跟住出左去ｃｗｂ行，太熱天時就最好就係行ｄｅｐａｒｔｍｅｎｔ　ｓｔｏｒｅ，哈哈。

行左陣都搵唔到ｄ岩心水既東西。唔係嫌ｃｈｅａｐ就係太貴。五點幾去左板前，等左勁ｘ耐先有位。係Ｍｉｘ叫錯野，頂，我叫水蜜桃佢就黎左杯小麥草。仲要係得１個ｓｈｏｔ，勁搞笑～～～


係Ｍｉｘ研究左好耐，都唔知樽Ｗｒｉｔｅｒ’ｓ　Ｒｅｍｅｄｙ係點用。


去板前係最好都係早ｄ囉位。入到去乜都無，無海膽，無魷魚，無象鈸蚌，無明太子～～～

日記 | 14/07/2007 學車

今日晨做去左學車。都少少怯，死啦，去到今時今日，架車都好似舞龍咁。點算呀。雖然師傅一直話點點點點點～～～但係實再在有太多不可預期既野發生，真係好驚。

跟住約左出去旺角，原本係睇機票，點知無拿拿扯左去睇電話，仲要買埋添～～～結果搞到勁遲到，俾人鬧死左。

夜晚去左Ｒｕｂｙ食，哈哈，都幾好食呀～～～埋單平均每個人就ｒｅａｓｏｎａｂｌｅ既，但係就～～～

去左沙田一間ｂａｒ飲野，無乜人但好嘈，飲到半夜三更就返屋企。

日記 | 13/07/2007 理論課

今日去左學車，上理論課八，哈，個師傅陣係覺得我地學客貨車真係羅黎搵食，教我地點砌ｄ貨，叫個跟車睇位等等等等，之後仲講買點後ＭＧＶ同ＨＧＶ，真係～～～咪玩啦～～～

日記 | 12/07/2007 點到即止

今日原本諗住去上理論課，但係有人話想出黎食飯，所以都係下個禮拜先上。晨早就去到愉景新城，兜左成個鐘都未黎到，於是就入左去Ｏｕｔｂａｃｋ坐下先。傾左陣，發現ｂｌｏｇ既威力好大，足以令人無左份工，所以呢，寫ｂｌｏｇ就唔好寫得咁白，足以令受話者明白咪得囉，俾ｄ空間其他人思考下。俾人囉黎搞是非就唔好啦。

日記 | 09/07/2007 跳樓

尋日打完波好倦，今日直頭倦到唔想落床。返到公司附近，諗住穿過美麗華快ｄ啦，點知度門ｃｌｏｓｅ左，出到去先發現有人跳樓。哎，仲將成條唯一返工既路封晒，消防開晒氣墊。即係跳樓還跳樓，我都要返工架～～～於是就闖過警察封鎖線入去啦，好彩日日都有帶ｐａｓｓ，ｄ警察無欄住我～～～



今晚要Ｐｒｅｓｅｎｔａｔｉｏｎ，最鬼憎ｐｒｅｓｅｎｔａｉｏｎ，唉，於成個ｍａｎ　ｄａｙ就送左俾個Ｐｏｗｅｒｐｏｉｎｔ，好彩今日好多人無返工～～～

日記 | 03/07/2007 火爆

今早返工果陣已經覺得唔對路，搵左陣都唔見左對ｄｕｎｋ　ｌｏｗ，於是求其羅住第二對著住先。

返到屋企，質左一輪，個老豆先肯認係佢掉左我對鞋。頂，吼我唔係香港就亂黎，乜乜以為我唔要就所以掉左佢～～～雖然唔係新，都差唔多要掉，但係都要問下我先嘛～～～頂＠＆＾＃＆！＊＾＊～～～

夜晚一量～～～１４７嘩～～～都係冷靜ｄ～～～

日記 | 24/06/2007 Tracy 生日

今日係Ｅｓｉ安排下，做左一連串既活動～～～

首先係去左Ｍａｃｒｏ　Ｐｏｌｏ間Ｓｐｉｃｙ　Ｍａｒｋｅｔ食Ｂｕｆｆｅｔ　Ｌｕｎｃｈ，但係由於岩岩訓醒，好似食緊早餐咁～～～今餐係慶祝Ｔｒａｃｙ既生日，Ｅｓｉ佢地好客氣，點都唔肯收錢～～～

跟住上左Ｅｓｉ屋企，哈，原來佢一個人住，都唔錯喎～～～接住去左ＪＳＣ打網球，都係執波既多～～～然後再片落去九龍灣Ｄｉｎｎｅｒ～～～唔～～～和民都好似無乜野好食咁～～～

日記 | 19/06/2007 端午節

今日係端午節，入左長洲同呀公食飯，之前擾攘左ｄ事情，今日算係告一段落。對於各方面，都算係一個好既開始。

係長洲，ｂｙ　ｄｅｆａｕｌｔ呀公一定要食海鮮，但係今次果ｄ真係麻麻地，碟蝦一放落台呀穎就話好臭，結果都係由２位負責人啃晒佢～～～

送完呀公返去就出返香港，無拿拿就走左去東區醫院探黃伯母。由於無拿拿要食車厘子，係中環兜兜轉轉先滿足晒所有人既需要～～～

探完病Ｍｅｔｈｅｗ老婆就話想買電話，於是去左先達搵返個姐姐買。搞左激耐，Ｍｅｔｈｅｗ又心思思想買我部Ｘ０１ＨＴ。都係遲Ｄ先啦～～～

之後去左和民食，唔～～～一般啦～～～

日記 | 18/06/2007 暴風雨

成日覺得～～～自己所謂既無所謂可以好闊，或者，係從來未有人挑戰過呢個尺度。今日，我終於發現，呢個ｌｉｍｉｔ其實都唔係好闊～～～

了解自己，還好一段距離？

日記 | 16/06/2007 唱英文K

今日原本諗住去剪髮，但係搞其他野搞左激耐，所以都係聽日先啦。

今日係ｐｒｅｓｅｎｔａｔｉｏｎ，都算係幾好啦，哈哈，最緊要唔係自己ｐｒｅｓｅｎｔ。

夜晚答應左請Ｅｓｉ食飯，帶左佢去Ｇｒｅｅｎ　Ｂｏｘ，哈哈，揀左大量英文歌，ｄ　ＭＴＶ全部都係風景或者海灘，完全同首歌無關。

ＢＴＷ．．．如果Ｄ時間真係ｃｏｎｆｌｉｃｔ得咁緊要，就無謂勉強啦，都係大家有時間先出黎玩架嗟。

夜晚入左去九龍城食糖水～～～

日記 | 15/06/2007 1M Day...

今日係公司見到架天台車返左黎，影左幾張相。





今日係大日子，夜晚講左ｄ從未講過既野～～～

日記 | 14/06/2007 MegaBox

今日放工去左ＭｅｇａＢｏｘ，淨係等車都等左半個鐘，係裡面兜左個圈，就走返出去。裡面ｄ野全部未開，得間ＢＮＱ。拿拿諗出返去九龍灣做左Ｄ正經野，然後去左ＣＡＮＴＥＥＮ食返，一間幾搵笨既美心。

係德福兜左一輪，買左部ｕＰａｐａ～～～

日記 | 12/06/2007 CPK

今日約左ｄ　ＹＡ既舊同事出黎食飯，去左ＣＰＫ食。Ａｌｌａｎ辦事不力啦，得佢一個代表。見ＹＡ所以人都走晒啦，真係有Ｄ唏噓。諗返以前成ｔｅａｍ人都算幾開心架。

日記 | 07/06/2007 沙田暴雨

今日返學，都係無無聊聊咁啦。夜晚去左意粉屋食，唔，有少少搵笨。

夜晚入左去沙田唱Ｋ，等左２個鐘先叫做人齊。真係估唔到ＧＲＥＥＮ　ＢＯＸ，真係得３個鐘。夜晚３點都仲有人等房，唔係咁顛嘛。出到去橫風橫雨，兜左一輪過左去食宵夜同睇波，皇馬對薩拉戈薩～～～

睇完波過左去愉翠苑搭車，點知去到先發現原來Ｎ１８２係廣源開，早知係博康等車啦～～～

FYI | Photosynth @ BBC

日記 | 07/06/2007 忙碌

呢幾日都要ＯＴ，就係趕緊ｄｅｐｌｏｙ，自從阿ｎｉｃｋ走左之後都無人ｄｅｐｌｏｙ過個ｓｔａｎｄａｌｏｎｅ　ｖｅｒｓｉｏｎ，即係由頭玩過，又要做埋ｐｒｅｆｏｒｍａｎｃｅ　ｍｏｎｉｔｏｒ，結果搞到成台都係電腦，根本放都放唔落，仲有一部ｈｐ係後面～～～

先後俾個ｉｎｄｅｘｉｎｇ，ＪＶＭ，ＥＪＢ同ＪＢｏｓｓ玩死～～～

日記 | 06/06/2007 Surface

今日出上個ｓｅｍ既ｇｒａｄｅ，唔，都算好彩啦～～～～

今日仍然同個ＪＶＭ鬥，做到成７點幾先叫搞點，聽日仲要試多鑊。

夜晚上堂講Ｍｉｃｒｏｓｏｆｔ　Ｓｕｒｆａｃｅ好似好勁咁，但係又好似好麻煩，唔知係點賣既呢。

日記 | 05/06/2007 Wilson生日

今日同Ｗｉｌｓｏｎ慶祝生日，原本話打邊爐，之後改左去Ｆａｔ　Ａｎｇｅｌｏ’ｓ，去到再改左去潮樓，改黎改去～～～唉！

由於俾個ｓｔａｎｄａｌｏｎｅ　ｖｅｒｓｉｏｎ玩左勁耐，所以成７點先走，去到ｄ人仍然未到齊。

經過上次係潮館既經歷，今次都係小心ｄ好，不過睇黎潮樓ｆｒｉｅｎｄｌｙ過潮館，叫左好多野都係百零蚊一位。

可能大家都見慣見熟，所以都無乜一個好時機同大家講我地ｄ野。雖然最後同Ｗｉｌｓｏｎ一齊搭車，不過相信佢仍然唔知～～～

日記 | 05/06/2007 潮樓

今曰真係好忙，差唔多全日都係度ｄｅｐｌｏｙ，個ＪＶＭ又唔聽話，淨係起個ＩＮＤＥＸ都起左成日，而家我成台都係電腦……

夜晚去左潮樓食，都好抵食，好明顯既係潮樓抵過潮館好多……

日記 | 31/05/2007 Triple O

哈～～～真係話咁快又一個月啦～～～真係～～～唉。

放工約左ｐａｔ　ｐａｔ食飯，係三聯掃左本偽科學鑑證，勁搞笑～～～之後諗住去ｐｉｚｚａ　ｅｘｐｒｅｓｓ，但係都好似貴得很，於是都係去左Ｔｒｉｐｌｅ　Ｏ食。

講起轉工，有時都會留意下～～～另外的問題似乎仍然漫延出去。

日記 | 22/05/2007 蜘蛛俠3

今日都係差唔多無做過野，全日都係ｐｌａｎ緊去台灣既行情，有ｄ擔心會落大雨～～～

夜晚去左ＡＰＭ睇「蜘蛛俠３」，睇之前食左個咖哩鄉里，睇落好似好少既但原來係勁飽肚。

講返齣戲，哈哈，都幾好睇喎，ｄ節奏好快，唔需要明中間點解，但能帶出一個中心思想～～～

我都覺得Ｈａｒｒｙ個造型好型，正過佢老豆果套～～～

日記 | 19/05/2007 沙田第一城

今日落暴雨，晏晝出左去旺角行左陣已經濕晒。跟住上左去Ｃｌａｖｉｓ屋企玩，８點幾唔知邊個話可以ｏｎｌｉｎｅ訂ｐｉｚｚａｈｕｔ，ｗｅｌｌ，結果一落完ｏｒｄｅｒ就話要２個鐘先送到黎。結果打左去鬧Ｎ次，１１點先到，雖然ｅｘｔｒａ　９折左，但係都咪搞啦，以後都係打電話去ｏｒｄｅｒ好ｄ～～～

由於出面落勁大雨，打下ＷＩＩ打下麻雀，同傾下ｄ無聊野，都搞到３點幾，都係繼續玩天光先走啦。

日記 | 15/05/2007 新開始

今日都算係Ｒｅｍａｒｋａｂｌｅ既一日。晨早俾老細捉左去，唉，都唔知係我低能定係佢ＥＱ低，佢好似好激氣咁用英文炳我～～～呆左。

夜晚考ＩＳ～～～唉，少少頹咁入去考，考完覺得有溫同無溫過既係一樣。做左一Ｄ反常既行為，諗返都覺得好搞笑，相信幾十年後講返一定笑爆嘴，ＴＨＡＮＫ ＹＯＵ，ＫＥＮＮＥＴＨ。

之後入左去ＴＫＯ再返屋企，成程車好似個傻佬係到笑～～～好開心～～～

日記 | 14/05/2007 最差的一步

今日差唔多全日都係溫書，心情差到極點～～～

我係一件玩具？諗黎諗去，雖然呢個時間真係不適合諗呢Ｄ野，但係～～～但係真係困擾左好耐～～～無奈作左一個好差既決定，始終呢個世界無話兩全其美。

日記 | 13/05/2007 於我心有戚戚焉

今日都算十分無聊同心情好差，話晒都就黎考試，所以呆左咁對住份ｎｏｔｅｓ一日，但係成日個心情有ｄ戚戚焉。

夜晚做個一個好重要既決定，真係是禍是福都係睇今次。

---

《齊桓晉文之事章》　－　孟子

王說曰：「《詩》云：『他人有心，予忖度之。』夫子之謂也。夫我乃行之，反而求之，不得吾心。夫子言之，於我心有戚戚焉。此心之所以合於王者，何也？」

曰：「有復於王者曰：『吾力足以舉百鈞，而不足以舉一羽；明足以察秋毫之末，而不見輿薪。』則王許之乎？」

　　齊宣王高興起來，說：「詩經上說：『別人有甚麼心思，我能夠猜度到它。』這話說的就是先生您這樣的人啊。我這樣做了，回頭再去探求自己這樣做的原因；先生把它說出來，使我心裡有所領會。但我這種心理合乎推行王道以統一天下，是甚麼原因呢？」

孟子說：「有一個人向您報告說：『我的力氣能夠舉起三千斤重的東西，卻拿不起一根羽毛；眼力能夠看到秋毫之毛，卻看不見一整車的木柴。』那麼您相信他嗎？」

---

FYI | 自我防衛機制

自我防衛機制

當一個人係生活經驗中為左適應挫折同減低焦慮，會學習並採取某種適應行為，而這種適應方式在性質上係保護、防衛自己安全，以免自己受到焦慮既痛苦或自尊受到威脅。

自我防衛既好處
係有助一個人減低係面對太快、太不能接受既事情時，一個緩衝既機制，令人可以用一個較安全既速度面對現實，可謂有起死回生既作用。但自我防衛由於係自欺欺人既行為，有時候會連自己都相信那個自己做出黎既假象，係會妨礙自己認知同埋同其他人既溝通既。

一般而言
常用既自我防衛有８種

包括﹕
合理化　　－　將自己不合社會價值標準既行為給予一個合理既解釋。
說謊　　　－　故意以唔實在既理由去欺騙別人。
投射作用　－　否認自己擁有某種不被認同的特質，並將之加諸他人身上。
反向作用　－　表現於外在既行為同內在動機相反。
認同作用　－　一個人係現實生活中無法獲得成功感，便模仿甚至將自己比擬為其他成功既人。
幻想作用　－　於受挫時為左令自己好過一點，會躲入幻想世界找尋滿足。
補償作用　－　一個人係遭遇挫敗時，會轉向其他方面努力追求成就。
代替作用　－　有時能滿足動機既渠道受阻礎, 會由另外既渠道滿足受阻既動機。

減低別人既防衛行為包括：
描述　　　－　描述客觀事實情形及解釋原因。
問題導向　－　即是對事不對人，以問題本質為中心，一齊討論，而唔係強迫對方屈服。
自發　　　－　真誠地將內心既想法表達，唔好刻意求一個更好既結果而掩飾真正動機。
同理　　　－　將心比心，切身處地諗對方既感受，但不等於認同對方做法，係接納佢既感受。
平等　　　－　將自己既地位同對方同等，唔好刻意以高姿態／低姿態同對方溝通。
協商　　　－　開放去接納不同既意見、資訊、想法。

日記 | 12/05/2007 庸人自擾

今日成個下晝係九龍兜黎兜去，結果夜晚去左ｏｕｔｂａｃｋ食。又聽到係澳洲果首歌，哈哈，都係澳洲開心ｄ。

發現，所有既果，歸根究底都係同一個源頭，不過，其實諗左咁多咁多野，只不過係庸人自擾。

---

《舊唐書．卷八八．陸元方列傳》
嘗有小吏犯罪，但示語而遣之。錄事白曰：「此例當合與杖。」象先曰：「人情相去不遠，此豈不解吾言？若必須行杖，即當自汝為始。」錄事慚懼而退。象先嘗謂人曰：「天下本自無事，祗是庸人擾之，始為繁耳。但當靜之於源，則亦何憂不簡。」前後為刺史，其政如一，人吏咸懷思之。

據《舊唐書．卷八八．陸元方列傳》載，唐朝時的陸象先，做人做事頗有器度。在蒲州刺史任內，曾經有個小官犯了錯，他訓斥了幾句就讓他離開，一旁的書記官說：「他這個樣子應該受到杖打的刑罰吧！」陸象先回答說：「他一定能依常情體會到我對他的訓誡，如果這樣的過失就要用杖刑，那你才應該首先被罰！」書記官聽了之後便慚愧得不敢再多說話。

陸象先常對人說：「天下本無事，祗是庸人擾之。」他意為天底下其實沒什麼大不了的事，都是一些庸庸碌碌的人徒生紛擾，使得世事愈加繁複雜亂。如果在事情剛滋生時，就能冷靜的面對，一切就會變得簡單許多。在刺史任內，他也將這個理念貫徹到政事當中，無論百姓與官吏，都對他充滿了感念。

---

所以呢，自己唔應該諗得太多野啦，或者，做事能夠從心出發會令自己更加開心。

日記 | 11/05/2007 潮館

今日仍然ｋｅｅｐ住左同一樣野。唉，呢年係唔係咁樣過呢，定係係到玩緊我呀，開始少少想～～～

夜晚去左潮館食，真係唔掂，問左２次，真係得果張ｍｅｎｕ，叫得落手既只有十零個ｉｔｅｍ。可能係ＤＢＳ做緊ｐｒｏｍｏｔｉｏｎ關係，佢都相信入得去食既顧客係抵受唔住７折套餐既吸引，所以成個ｍｅｎｕ都係２人，４人，６人同８人套餐，絕對無其他野好叫。

行左陣ＡＰＭ，然後搭車走，好開心～～～

---

Hey June 作曲：梁漢文/文慧林 填詞：林夕 編曲：劉志遠

車廂收音機播出情人　頭一次
我和你是那麼接近　接近良朋
感激天空想喊的密雲　頭一次
你微笑著問我怎麼　車身發震
可惜這程順風車太短
即使拖慢行每一寸　都也心酸

Hey June Hey June
我和你長困於車廂裡也是快樂
Hey June Hey June
這簾價座駕最好可以飛奔法國

雙手握緊濕透的太盤　誰想到
我們距離那麼誘惑　退避無門
終於可偷窺你的大門　下一次
我或會在你家飲光　啤酒兩罐
可惜這程順風車太短
世界旅程還有很遠　拖到相戀

Hey June Hey June
我和你長困於車廂裡也是快樂
Hey June Hey June
我和你長困於車廂裡也是快樂
Hey June Hey June
我在你微笑中苦戀 你終於發覺

---

好想話，我已經唔同以前啦，絕對唔會令你失望～～～

日記 | 10/05/2007 狎鷗亭居酒屋

今日仍然係咁樣～～～不過都算叫做有ｄｄ野做過啦。

不過，都好彩，原先ｐｌａｎ定既野都好順利進行，哈哈。

夜晚，同位專家講左ｄ野，發現原來係咁樣。唉，我都知自己衰架啦～～～不過，我會改過架啦，放心啦，希望係暑假前話到個答案俾你。

另外，自己亦到發現，近排問題既精結係，原先可以控制到既野而家ｌｏｓｓ左個控制權，即係做乜都要等另一位批核。唉，算啦，我都預左，所以今次都係上唔到去啦～～

繼續溫書～～～