日記 | 31/03/2006 5月天

今日約左阿Ｊｕ同溥溥食ｌｕｎｃｈ，去左間日本野食，跟住同溥溥行銅鑼灣行，係Ｔｏｍ　Ｌｅｅ佢無拿拿見都５月天開Ｃｏｎｃｅｒｔ，於是就二話不說咁就買左。然後去左睇貓貓狗狗，係惠康買埋野食先返工，真係有咁既工夫復何求。

返屋企繼續ＦＹＰ～～～

日記 | 30/03/2006 上堂

今日上ｅｃｏｍｍｅｒｃｅ，都係ｈｅａ住上，無拿拿學ＭＣＣ咁係都劃地圖，ｐｌａｎ下去變到玩。跟住又係見ＳＬ，真係每個禮拜２次，每次半個鐘，唉～～～跟住去左ＫＦＣ食ｄｉｎｎｅｒ，然後上中文電腦，都係玩～～～

夜晚溥溥同啊朱睇完男人之苦後就走叫左出黎食宵夜，然後去左食木筒豆腐花，哈哈～～～

日記 | 29/03/2006 PCCW

今日去考ＰＣＣＷ，一早約左Ｋｅｎｎｅｔｈ哥係觀塘食麥記早餐，然後去考試。哈哈，成份野都係ＩＱ　Ｔｅｓｔ咁，一路做一路想笑，最後再加多２份Ｅｓｓａｙ。

考完試同Ｋｅｎｎｅｔｈ哥去左旺角食ｌｕｎｃｈ，其間收都ＨＳＢＣ　ｃａｌｌ，哈哈，叫去ｉｎｔｅｒｖｉｅｗ，好開心～～～跟住去左Ｓｔｅａｋ　Ｅｘｐｅｒｔ食ｌｕｎｃｈ，食飯期間收都幾億個電話～～～

食完飯係旺角行下，然後就返左ｌａｂ，跟住又同Ｂｏｎｎｉｅ，Ｖｉｎｃｅｎｔ同Ｌｅｅ　Ｈａｎｇ食ｔｅａ。係ｌａｂ做到成８點幾先走，原本約左Ｅｄｍｏｎｄ出去旺角食飯，當入左地鐵先話去沙田食。於是出左去旺角再轉巴士入去，兜左個大圈。

去左中央廣場食打邊爐，哈，今日已經食左４餐，不過都好好食。食完之後就返屋企～～～

日記 | 28/03/2006 智能身份證

今日約左Ｖｉｎｃｅｎｔ去左羅ＩＥＬＴＳ既ｒｅｓｕｌｔ，唉，都唔知開心定唔開心好，ｄ　ｇｒａｄｅ既ｐａｔｔｅｒｎ好騎呢，唉～～～跟住捉左Ｖｉｎｃｅｎｔ上左架２５Ｃ，係寶馬山兜左個圈，然後係銅鑼灣落，去左Ｃａｆｅ　ｄｅ　Ｃａｒｏｌ食左個ｔｅａ，然後去左換身份証，勁大間，差唔多ｓｔａｆｆ仲多個客，好快，１０分鐘唔駛就換左。

日記 | 27/03/2006 上堂

今日又係上ｅｃｏｍｍｅｒｃｅ，然後食ｔｅａ，再上中文電腦，然後見ＳＬ，差唔多個個ｗｅｅｋ都係呢個ｐａｔｔｅｒｎ，不過都唔係有好多個ｗｅｅｋ　ｌｅｆｔ。

日記 | 26/03/2006 尖沙嘴

今日又係訓到差唔多中午先起身，起身食左個ｌｕｎｃｈ就開始做下野，不過做左一陣之後就出左去尖沙嘴，最最最主要既目的就係食一餐飯，山長水遠走到去中港城食維苑～～～不過由於Ｗｉｎｎｉｅ遲黎，結果搞到成餐飯不倫不類，真係唔知食左ｄ乜出黎。

跟住係ｈａｒｂｏｕｒ　ｃｉｔｙ行，行黎行去，然後去左尖東睇電話，唉，又係買６２８０～～～

日記 | 25/03/2006 極地雪犬

今日Ｐａｔ　Ｐａｔ考ＩＥＬＴＳ，咁岩係灣仔考，於是考完就出左黎一齊食Ｌｕｎｃｈ，哈哈，又係咁岩Ｗｉｎｎｉｅ又係同一日考，於是又搵埋佢出黎一齊會一會。我地去左ｐｉｚｚａ　ｈｕｔ食。哈哈，ＰａｔＰａｔ始終都係好怕醜，無乜出聲。

食到２點幾，Ｗｉｎｎｉｅ走先，而我地就等埋Ｖｉｎｃｅｎｔ出黎，係電腦城逛左個ｒｏｕｎｄ，見到我想買既ｂｌｕｅ　ｔｏｏｔｈ　ｈａｎｄｆｒｅｅ異常地平。雖然有ｄ怪怪地，但係無理由同錢作對架，於是都係搏一搏，係最平過間買左個Ｒ３５。

買完野之後Ｖｉｎｃｅｎｔ話食ｔｅａ（又食～～～）於是去左附近間綠野仙綜食，其間有隻好醒既烏蠅伏左係Ｖｉｎｃｅｎｔ果件黑麻麻既朱古力吐司度。哈哈，佢竟然完全望唔到，仲要係亂刀下啄死隻烏蠅。係間野ｈｅａ左一輪，睇左ｄ　ＭＶＰ情人之後就出發落銅鑼灣Ｊｏｉｎ師傅，Ｌｅａｄｅｒ同威廉。

師傅一早ｏｎｌｉｎｅ買左ＪＰ既飛，原本話２位ｏｎｌｉｎｅ買飛就送１ｓｅｔ　ｐｏｐ　ｃｏｒｎ同汽水，但係ｆｉｎａｌｌｙ係話每個ｔｒａｎｓａｃｔｉｏｎ先有１份，結果大失預算，師傅仲諗住寫ｃｏｍｐｌａｉｎｔ　ｌｅｔｔｅｒ～～～

我地睇極地雪犬，哈哈，個院大到有ｄ過份，勁多人行黎行去，加上係Ｉ級片關係，勁多死靚仔，其中一條死靚仔一開波就係咁問走得未，不停講野。頂佢，佢老豆完全ｃｏｎｔｒｏｌ下架喎，真係無家教！成個戲院ｄ人係咁講野，勁ｆｒｅｅ咁，真係食屎架，仲衰過返屋企睇ＤＶＤ。不過，齣戲都算ｏｋ啦，雖然唔係好專心咁睇，整體黎講都知講乜既。

睇完戲就去左稻香打邊爐，哈哈，又叫左半條青班，終於有ｄ正常人啦，記得上次食呢條青班，阿羅同阿燊好似好驚訝咁，未見過人食魚ｍｅｉ～！我地叫左好多好多，多到有無劃過都無人知，淨係知ｄ野係咁黎係咁黎，好似唔駛錢咁～～～直到黎左碟豬潤先ｄｒａｗ到大家既ａｔｔｅｎｔｉｏｎ，發現ｄ野係亂咁黎，不過已經太遲，已經成台都係野啦。

食到１１點幾，ＰａｔＰａｔ又係例行趕火車走先，而我地埋單後師傅同Ｌｅａｄｅｒ走埋，淨返我，Ｖｉｎｃｅｎｔ同威廉。原本諗住去打機，不過勁大煙，於是我地去左維園玩另一樣騎呢野，夜麻麻就去行石春路。真係唔行唔知身體好，威廉好似ｓｈｏｒｔ左咁係到跑，搞到ｄ阿伯都覺得後生可畏。而我都係行左２段就收檔，行完之後就返屋企～～～

日記 | 24/03/2006 FYP

今日全日都係係屋企做ｆｙｐ。

日記 | 23/03/2006 HSBC AP Test

今日去ＨＳＢＣ做ＡＰ　Ｔｅｓｔ，晨早流流就出門口，但係去到奧運勁早，於是走左去麥記食左個早餐，然後就去做Ｔｅｓｔ。唉，無一份做得晒，係生係死一個月內知。

出黎之後竟然落大雨，於是就勁低能咁搭地鐵返九龍塘，兜左個大圈。返到ｌａｂ見ＳＬ仲見緊Ｂｏｎｎｉｅ，於是都係閃埋一邊做野，跟住同Ｂｏｎｎｉｅ出左去買野，但係佢買果件野未消磁，於是行每一間鋪都會響，於是都係返轉頭叫佢消磁。

等埋Ｖｉｎｃｅｎｔ黎到之後就去搵野食，原本諗住去食Ｄｅｌｉｆｒａｎｃｅ　Ｂｉｓｔｒｏ，不過勁多野兼且無乜人理我地，於是去左食ｓｕｐｅｒ　ｓａｎｄｗｉｃｈｅｓ。唉，誤上賊船，叫左個勁貴但勁唔好食既ｐａｓｔａ，好差。

跟住落ｌａｂ做野，唔知點解無拿拿唔上ｅＣｏｍｍｅｒｃｅ　Ｔｕｔｏｒｉａｌ，繼續留係ｌａｂ做野，見左ＳＬ，佢幾滿意～～～夜晚係ｆｏｏｄ　ｃｏｕｒｔ食，然後上中文電腦，差唔多成堂都係同威廉討論買車要幾多錢，同埋同阿Ｍｉｋｅ，Ａｎｇｅｌ同Ｂｏｎｎｉｅ玩數獨～～～真係有ｄ頹。上完堂去左深水步食糖水，其間一人揀左一隊波，睇下邊個贏～～～

日記 | 22/03/2006 頭文字D

今日打最後一場排波，打到不淪不類，輸到飛起。諗走時Ｖｉｎｃｅｎｔ無拿拿送左隻頭文字Ｄ既ＰＳＰ　Ｇａｍｅ俾我，真係多謝師傅Ｌｅａｄｅｒ同Ｖｉｎｃｅｎｔ。

夜晚去係行左陣玩具鋪～～～

日記 | 21/03/2006 春分

春分－玄鳥至，雷乃發聲，始電。

前幾日收到Ｅｍａｉｌ話可以羅ｐｓｐ　ｏｎｌｉｎｅ碟試玩ｐｓｐ　ｏｎｌｉｎｅ，於是下晝食埋飯之後就出左去銅鑼灣囉碟。跟住順便落埋海港中心幫ｐａｔ　ｐａｔ囉返張ＩＥＬＴＳ既信。然後就返屋企玩下隻ｐｓｐ　ｏｎｌｉｎｅ，好似好得意咁，不過都係要睇下第時要收幾錢先～～～

夜晚約左Ｋｅｎｎｅｔｈ哥出黎食飯，原本諗住去食峰壽司，不過竟然要等５０個ｎｕｍｂｅｒ，都係算啦。結果走左去間新巴黎食越南野，然後係銅鑼灣行左陣，去左滿屋甜品食埋個糖水就走。

日記 | 20/03/2006 Report

今日有係上ｅＣｏｍｍｅｒｃｅ，上完堂ＭＣＣ無拿拿話唔ｔｅａ，於是走左去中文電腦，由於俾ＭＣＣ打亂左食ｔｅａ既ｐａｔｔｅｒｎ，於是上完堂都係去左食ｔｅａ，食完ｔｅａ後就走左去見ＳＬ，佢俾左份ｒｅｐｏｒｔ俾我，都係時候開波寫ｒｅｐｏｒｔ。

日記 | 19/03/2006 FYP

今日全日都係係屋企做ｆｙｐ。

日記 | 18/03/2006 NWH

尋晚同溥溥講話出去九龍城食野，但係佢要考ＮＷＨ既試，唉，自己都無份考，不過今朝佢竟然遲到，結果都係無考。

日記 | 17/03/2006 Assignment

今日做ｅＣｏｍｍｅｒｃｅ　Ａｓｓｉｇｎｍｅｎｔ，做左成日，都總算係自己做既～～～

日記 | 16/03/2006 中文電腦

今日上晝都係溫下中文電腦，下晝就返左學上堂。想完堂之後就同Ｖｉｎｃｅｎｔ去左ｌｉｂｒａｒｙ溫書，其間唔之點解Ｂｕｒｔｏｎ會搵到我地問野。

個ｔｅｓｔ真係好ｔｅｃｈｎｉｃａｌ，真係要逐個ｂｙｔｅ逐個ｂｙｔｅ計。做足２個鐘，都算係不過不失啦。跟住師傅話去油麻地飲夜茶，搞左勁耐先上到一樓。哈哈，成班人都唔知去幾多樓～～～

日記 | 15/03/2006 傲慢與偏見

今日Ｔｏｍｍｙ晨早流流就上左黎，唉，無事不登三寶殿，當然又係要整機啦。由於成套野都係ｓｅｒｖｅｒ，於是都要做ｎｅｔｗｏｒｋ　ｉｎｓｔａｌｌ，勁慢～～～中午ｌｕｎｃｈ前都未搞掂，仲要係唔記得插電之下搬機，於是即死。

中午去左ｐｉｚｚａ　ｈｕｔ食ｌｕｎｃｈ，勁多人。Ｌｕｎｃｈ之後我就返左屋企繼續裝野，順便溫下中文電腦，聽日就ｔｅｓｔ啦，仲未好清楚成課野講乜。

夜晚終於裝好，出左去觀塘ａｐｍ搵Ｔｏｍｍｙ，哈，原本差ｄ　ｏｎｌｉｎｅ買左爛片王既飛，去到戲院先發覺原來聽日先上畫，真係好彩無買飛。係無乜戲好睇之下就決定睇傲慢與偏見。係睇戲前去左麥記試左好多新野，過ｄ飯ｔａｓｔｉｃ真係唔太掂，而果ｄ菠籮，酸梅等等都係評價甚低。

跟住係ａｐｍ行左陣就去睇戲，傲慢與偏見好耐之前就已經聽過個名，不過始終都唔知個故擠講乜，今次終於可以知原來係個愛情故事，哈哈，都幾好睇。

日記 | 14/03/2006 FYP

今日成日都係屋企半ｈｅａ半做ｆｙｐ。

日記 | 13/03/2006 eCommerce Test

今日考ｅｃｏｍｍｅｒｃｅ，唉，話就話ｏｐｅｎ　ｂｏｏｋ，由不過都唔知點做，個幾鐘都係發呆～～～呆左個ｔｅｓｔ之後就去左食ｔｅａ，然後落左ｌａｂ做下ｆｙｐ，今日加左個新ｔｈｅｍｅ，應該都唔錯。

跟住同左Ｖｉｎｃｅｎｔ去左食麥記，然後入左去沙田，諗住去８０Ｍ買左架都城１１米，不過成間舖都無ｓｈｏｗ出黎，加上成班巴士迷塞係間舖裡面，超乞人憎，等左勁耐都死得走，於是都係ｇｉｖｅ　ｕｐ。跟住四圍買左ｄ野食後就走，一出到去就勁大雨，又凍又大風，差唔多半身濕晒先上到車。

日記 | 12/03/2006 乍暖還寒

今日都係大覺訓，都係時候溫下書，聽日就考ｅｃｏｍｍｅｒｃｅ啦，真係有ｄ擔心。今日玩左幾款新煮意，搞左成２個鐘～～～

日記 | 11/03/2006 IELTS

今日晨早流流就去考ｉｅｌｔｓ，唉，跟酒店ｄ空氣好差，第一二份倦都無乜野，唉，當考到第三份倦時就係咁打乞嗤，唉仲有ｄ寫唔晒ｆｅｅｌ，好驚呀。

由於我差唔多係第一批考ｏｒａｌ，所以ｈｅａ既時間唔係好多，２要頹友係尖嘴行黎行去，真係好頹。跟住考埋ｓｐｅａｋｉｎｇ，都算不過不失啦，個ｅｘａｍｉｎｅｒ好型，勁有藝術家ｆｅｅｌ。係等Ｖｉｎｃｅｎｔ考完時就見到一個好似袁彩雲既女仔。

跟住去左Ｐｉｚｚａ　Ｈｕｔ食ｌｕｎｃｈ，係無乜ｔｅａ好食既情況下我地都係極速叫左個ｌｕｎｃｈ　ｓｅｔ，間野ｄ細路勁嘈，拆天咁。

食完野都係四圍亂行，行左去反斗城開倉，不過勁侷，都唔知邊個白痴發名室溫２５．５度係最好。搞到我不停打乞嗤ａｇａｉｎ，係又病又眼訓既情況下，都係返屋企好ｄ。

日記 | 10/03/2006 打邊爐

今日原本諗住去聽ＤＨＬ，不過都係算吧啦，心情不太好。係屋企搵左本ＩＥＬＴＳ書好耐，都搵唔都，結果成４點先返到去，一返到去Ｖｉｎｃｅｎｔ就左叫去同師傅，Ｌｅａｄｅｒ同Ｐａｔ　Ｐａｔ食ｔｅａ＝＝”，係食完ｔｅａ就等ＳＬ，哈，佢都好滿意，仲話下個ｗｅｅｋ俾份ｒｅｐｏｒｔ我睇。

係ｌａｂ坐到８點就出銅鑼灣同飯團同仁（Ａｎｎａ，Ｊｕ，Ｊｅｓｓ，溥溥，燊，羅），打邊爐。唉，都估到陷世界都會遲到，果然８點９係一個人到無，係ＵＭＬ行左陣，發現銅鑼灣果跟執笠清貨，全部８折，不過都無我想買既Ａ３８０。

行左陣就上左去稻種囉飛仔，勁多人，等左差唔多半個鐘先有位，同埋Ｄ人先黎齊，雖然係逐碟計，不過ｄ野真係好食ｄ，同埋都算好抵食。哈，原來佢地係慶我同Ａｎｎａ生日，仲有禮物收，真係多謝晒。

食完野溥溥話想食糖水，於是去左滿屋甜品食，都幾好食。玩到差唔多１點半先走～～～

日記 | 09/03/2006 上堂

今日又係大覺訓，原本話去聽利豐既ｔａｌｋ，勁多人，於是～～～又係走左去食ｔｅａ，近排都差唔多都將ｂｒｕｎｃｈ同ｔｅａ一齊食，去左ｋｆｃ食，換左杯柚子茶，都幾好飲。

跟住上ｅｃｏｍｍｅｒｃｅ　ｔｕｔｏｒｉａｌ，明左少少。然後就落ｌａｂ等ＳＬ，唉，佢居然又唔幾得約左我，都寫左落紙架啦，咁都會唔記得。

跟住去左ｆｏｏｄ　ｃｏｕｒｔ食ｄｉｎｎｅｒ，然後上中文電腦，跟住一行９個就出左去長沙灣食糖水～～～

日記 | 08/03/2006 打排波

今日係Ａｎｎａ同肥Ｂ既生日，哈，生日快樂。

今日主打都係打排波，有ｄ　ｈｅａ，跟住去左ｃａｎｔｅｅｎ食ｂｒｕｎｃｈ＋ｔｅａ，然後係ｌａｂ做左陣野就走。

日記 | 07/03/2006 自閉

今日全日都係屋企自閉，執下屋咁啦，夜晚收到大信封，好唔開心。

日記 | 06/03/2006 驚蟄

驚蟄－桃始華，倉庚嗚，鷹化為鳩。

今日上ｅｃｏｍｍｅｒｃｅ，竟然係第一個返（當然係ｃｏｍｐａｒｅ　ｗｉｔｈ師傅，Ｖｉｎｃｅｎｔ同ＭＣＣ啦），唔知上左Ｄ乜出黎。跟住ｄｅｆａｕｌｔ動作就係食ｔｅａ，然後走係ｌａｂ做功課，一路上中文電腦，一路做中文功課。上完堂係ｌａｂ見到ＳＬ，佢以為約左我，但係佢期實係約左我上個星期四，於是就約左佢黎跟星期四。

Knowledge | 驚蟄

春天到了，春雷初響，大地萬物開始萌芽生長。那些在嚴寒冬天時躲進土壤內或在石洞裡蟄伏起來的動物被春雷驚醒後，也開始甦醒、活動，迎接春天的來臨。

這個時候，正是農夫們忙著插秧的時節。不過，如果在這個節氣前就發生打雷的現象，表示可能會出現雨水連綿的異常天氣，而且容易發生災害，所以才有農諺「未到驚蟄雷先叫，四十九日暗天打」的說法。

日記 | 05/03/2006 家庭日

今日係家庭日，阿公阿姨等等上左黎，夜晚ｄｅｆａｕｌｔ去喜萬年食飯，都唔明點解而家ｄ細路女可以咁惡，真係好難估大細Ｂ大左之後會點。食完飯同Ｗｉｎｎｉｅ行左去銅鑼灣，經過鵝頸橋見到好多阿婆係到打小人，夜麻麻點晒蠟燭開壇咁，好得人驚。

係銅鑼灣亂行左陣就去左麻布茶房食甜品，然後就返屋企。

日記 | 04/03/2006 Assignment

今日全日都係係屋企做ａｓｓｉｇｎｍｅｎｔ。

日記 | 03/03/2006 6280

今日去同Ｖｉｎｃｅｎｔ一齊去囉ｃａｒｄ，係九龍灣間３玩左部６２８０，哈哈，雖然真係好似幾靚仔，３加左條ｎｅｗｓ　ｂａｒ落去，好似幾得意咁。不過，始終都係個ＯＳ唔係好掂。跟住去左工業區囉ｃａｒｄ，然後係德福同淘大行黎行去，都係搵唔都所謂既水晶殼，於是就走左去深水步睇。

係鴨寮街行左陣就見到有，於是就二話不說咁就買左，然後係福榮街行左陣玩具舖，果然有好多玩具批發，然後就搭車返ｌａｂ。今日主要都係做下ｆｙｐ，做做下就發覺成個ｌａｂ無晒人，好得人驚。跟住發現左ｄ非常尷尬既事，於是拿拿諗走左去又一城買。

跟住就出左去旺角食ｓｔｅａｋ　ｅｘｐｅｒｔ既宵夜，不過同幅圖ｓｈｏｗ出黎既好唔同，有ｄ被騙既感覺。

日記 | 02/03/2006 CX Interview

今日又去見ＣＸ，今次預鬆左好多時間，所以勁早到，加上跟本無野好ｐｒｅｐａｒｅ，所有都幾輕鬆。去到見到個ＡＯ既女仔，同左佢吹左陣水，跟住就入去ｉｎ，同個鬼老傾左勁多野，真係乜都問餐懵，玩左好耐，都唔答知自己答左ｄ乜，諗返都覺得有ｄ荒謬。

夜晚就返左ｌａｂ，然後就去左ｇａｒｄｅｎ　ｃａｆｅ食飯，然後就去上中文電腦。上完堂就同Ｖｉｎｃｅｎｔ，Ｍｉｋｅ，Ａｎｇｅｌ，肥Ｂ同Ｂｏｎｎｉｅ去左深水步食糖水，跟住就返屋企。

日記 | 01/03/2006 黑仔

今日晨早流流就去見Ｐｈｉｌｉｐ　Ｗｏｎｇ，佢間房既ｎｕｍｂｅｒ係同ｙ　ｍｏｎｇ一樣，爭ｄ就去左搵ｙ　ｍｏｎｇ，完來係唔同ｚｏｎｅ。見左佢一輪，俾佢問到口啞啞，真係唔知點好，ｄ野明明係ＳＬ叫我咁做，你問我點知嗟，你去問ＳＬ啦。

跟住見時間太早，於是都係返屋企ｈｅａ下，然後再返黎打排波，打完波就去左食ｔｅａ，諗住去交ｃｅｎｓｕｓ既ｆｏｒｍ，點知個死人ｃａｒｅｅｒ　ｃｅｎｔｒｅ俾人包場，結果都係交唔到～～～