日記 | 13/01/2007 NP360

今日第一次返星期六新ＯＦＦＩＣＥ，係地鐵站見到Ａｌｌａｎ，又差ｄ遲到～～～

Ｋａｔｉｅ無返，個ｄｏｃ都唔知點寫好，唯有做左個ｒｅｑｕｅｓｔ先。改黎改去，頂佢！

下晝入左去東涌玩ＮＰ３６０，哈哈，上到去都係食食食～～～然後搭返２號落梅窩，行左陣就出返中環。　

夜間去左新星食邊爐，發現呢個世界好多騎呢人。

日記 | 12/01/2007 查案

今日都係四圍改改改改，加埋個無聊既Ｍｅｅｔｉｎｇ，咁就去左一日，諗放工前又要查案，結果係俾人點左一鑊。對於一ｄ好唔通氣既人，我真係無乜辦法去應付，真係唔知想點。

夜晚約左班大同出去食飯，係ＴＳＴ兜兜轉轉，結果去左ＣＰＫ食，跟住師傅話去飲野，又搞左一輪後去左食Ｇｅｌａｔｏ。

對於將來，始終係一個迷，但係可以好肯定既係，我已經唔同以前啦。

日記 | 11/01/2007 返工

今日都係不停接ｒｅｑｕｅｓｔ，對於近排有一仲好特別既感覺，就係好似有個ｔｉｍｅｒ係都倒數緊一個好特別既日子，唔知係大佬就黎走定係就黎拆夥，或者係就黎會有名稱上既改動，所以都無乜諗住起身，想留低睇埋場戲先，哈哈。

夜晚出左去ＣＷＢ食返，去左Ｏｕｔｂａｃｋ食，好飽呢。

日記 | 01/01/2007 元旦

今日係元旦，祝大家新年進步。

哈哈～～～今朝起身，估唔都係１點幾，跟住更係拿拿諗出去啦，無謂徙左個假期。今日諗住搭地鐵去荔灣，坐左架新巴１０Ａ去漢溪站，然後轉３號線出去，好彩上到車，但係極多人。



出左去陶陶居飲茶，我地一坐低就搬點心返黎食，搭台Ｄ人以為我地係Ｓｈｏｒｔ　Ｓｈｏｒｔ，同佢地嘆茶既ｐａｔｔｅｒｎ成好大對比。

近住又拿拿諗湧返過天河，點知地鐵飛左體育西站，兜左一輪先返到去。

夜晚搭車返香港，完成成個假期。