日記 | 16/05/2004 過夜

尋日終於ｂｉｄ到部ｍｐ３機啦，好開心呀～～重要係低價成交，６５０，雖然係二手，但係ｓｏｎｙ機同埋送６４ｍ　ｍｅｍｏｒｙ　ｓｔｉｃｋ，差唔多啦，至少我可以繼續用我ｄ白卡。今日約左過賣家交收，佢唔記得帶電，重話遲ｄ再約過，傻啦，結果佢主動減５０，哈哈，６００蚊成交。

交收完，係旺角撞到ｗｉｌｌｉａｍ，真係有緣啦，於是同佢係旺角ｈｅａ左２個鐘。

夜間約左ｍｉｋｅ同ｖｉｎｃｅｎｔ食飯，難得佢地會出黎香港。同佢地揀左好多間，都唔合佢地心意，結果就同佢地去左赤心，即係ａｌｅｖｅｌ期間，勁同呀燊去食，食都叫人地做呀媽果間。都差唔多兩年啦，呀媽仲係咁客氣，Ｄ野仍然咁難食。

跟住佢地話要上我屋企，我當然唔肯啦。於是就拿拿臨帶佢地坐船過海，係尖沙咀ＨＥＡ了一輪後，又話要上我屋企。哎！無法啦，於是今晚我屋企多左兩位客人。