日記 | 14/01/2005 澳門遊(上集)

今日好難得可以訓都９點幾，跟住起身執埋ｄ行李就去碼頭。由於時間預得好鬆，所以搭左１１：３０班船。落船就立即去酒店ｃｈｅｃｋ　ｉｎ，但係佢地竟然話要加床要係香港訂果時講埋，但係中旅當時話去到酒店先講～～～離晒普。

跟住去左新馬路附近食咖哩牛腩麵，真係唔太好食，然後去左大三巴，松山，黑沙灣等等～～～松山個燈塔真係好靚，有機會真係想同你去一次；係黑沙灣我地一路食豬扒包，一路等食葡式乳豬，ｄ乳豬真係幾好食。

跟住返左酒店ｈｅａ左一陣，ＵＮＯ左幾ｒｏｕｎｄ，然後去睇所謂既噴泉，跟住去左帆船食葡國菜。食完後入去金沙玩下，不過真係無乜運，加上自己真係輸唔起，對於賭錢既ｏｐｐｏｒｔｕｎｉｔｙ　ｃｏｓｔ實左係太大，平時對於一角幾毫都非常敏感既我黎講，輸左幾十蚊真係好嚴重架啦～～～

輸完錢去左飲野，吹下水，不過都無乜心情。返都酒店都２點幾，仲要ＵＮＯ，又輸～～～４點幾仲要去隔離房催眠，成個人ｅｘｈａｕｓｔｅｄ。