日記 | 23/02/2006 好忙

今日晨早流流就約左Ｔｏｍｍｙ，哈哈，一早就去左麥記同佢食早餐，跟住就去左添馬艦去睇世界消防大賽，哈哈，都唔知點解會有ｄ咁騎呢既比賽，好次話比賽舞獅，擲馬蹄鐵等等騎呢既比賽。

係果到ｈｅａ左２個鐘，影左ｄ相，然後就去左教育及職業博覽，笠左ｄ紀念品，係ｈｓｂｃ問左ｄ無聊既問題，以前所未有既速度１５分鐘就睇完，跟住去左搭２５Ａ，見都張記都係咁殘，有ｄ懷念～～～

係炮台山落車，真係十年人事幾番新，全部野都執晒位，以前間ｐｉｚｚａ　ｈｕｔ都唔見左～～～行到去港運城，無意間見到間好出名既雞蛋仔，聽就聽左好耐，今日終於黎到，當然要試下啦。不過食完之後好飽啦，連ｌｕｎｃｈ＋ｔｅａ都唔駛食。

四圍ｈｅａ行，行左去北角碼頭巴士站，影左ｄ巴士相，不過都係以前開心ｄ。臨走前，係渣華道見到單交通意外，個Ｔｏｍｍｙ好似ｓｈｏｒｔ左咁去睇，唉，都係要小心ｄ過馬路呀～～～

返到ｃｉｔｙ上堂，一袋二袋咁，有ｄ騎呢。係ｆｏｏｄ　ｃｏｕｒｔ食完個ｄｉｎｎｅｒ之後就勁眼訓，結果上中文電腦果陣勁訓～～～

夜晚，約左Ｍａｖｅｒｉｃｋ出黎飲野，同行人有Ｉｖａｎ，Ｍａｒｋ同Ｃａｒｍｅｎ，而Ａｎｎａ甩底，好差。去左蘭桂坊飲野，傾左好多野，哈哈，大家都估唔都５年後會坐係度飲野。飲到２點幾，Ｍａｖｅｒｉｃｋ就車大家返屋企。