日記 | 01/01/2011 回首2010

回首2010

今年都算係比較多事既一年，好彩都係好事比較多．．．

工作上，自己仲係一個小小的ｐｏｔａｔｏ，但係隨著大佬們走人，要直接ｈａｎｄｌｅ　幾個老細，做既野多左好多瓣，比較有挑戰性。

等左成年既ＯＧＣＩＯ衰左，不過算啦，都叫做有得ｉｎ下，知道佢地ｄ心態係點。與其等ｄ老細大發慈悲，不如增值下自己，係最低成本下讀左個ＣＩＳＡ既ｃｏｕｒｓｅ，考埋試，希望個成績ｏｋ啦。

去到年尾，都叫做今年做既野有人肯定，囉到個傑出員工獎，雖然唔係ｄ乜野，但係都叫做有ｄ回報啦。

感情方面，今年４月去左台灣，一個唔錯既嘗試。年中發生過一ｄ小問題，冷戰左２個星期，ｕｍ．．．最後都能順利解決。踏入１１月，正式求婚成功，隨即展開一連串籌備工作，中間真係好多麻煩事，真係估唔都原來係咁複雜，淨係擇日都已經一改再改。１２月既聖誕節，同埋２個ｆｒｉｅｎｄ去睇衫，令人感動既係，發現佢穿起婚紗真係好靚，好期待結婚的一天。

今年另一樣值得高興既野係有２個ｆｒｉｅｎｄ都買埋同一個屋苑，叫做有個照應。同埋另一個好朋友終於搵都佢既另一半。自問對人不是很好，慶幸身邊有人能夠提醒自己，唔好錯過一些美好既事情～～～

踏入２０１１，估計都會係為籌備婚禮而忙碌，黎緊４月會走一轉台中，接住會去北海道影相，真係倒水咁倒。所以呢，都要努力ｄ工作，希望２０１０年年尾既一個小小既諗頭能夠為自己帶來一點保障。大家一起努力吧。