今日係聖誕節，雖然無乜聖誕氣氛，亦都係第一年一份聖誕禮物都無既聖誕。可能ｄ人認為已經出黎做野，自食其力啦～～～
今日約左Ｖｉｎｃｅｎｔ，ＬｅｅＨａｎｇ，ＰａｔＰａｔ，Ｂｏｎｎｉｅ，Ａｂｂｙ去海浪公園玩，淨係食早餐都差唔多２個鐘啦，１２點幾先入都去。雖然都成３年無去過，但係都係差唔多無變過，ｄ路都係一樣，唔駛睇地圖都知邊都有乜玩。仲記得３年前同一班中同黎玩，都無乜玩過就走，仲要係落大雨，真係凄涼。今次真係括晒出去，平時絕對唔會玩既野今日一次過玩晒～～～不過點激都好，始終都唔及係富士急既過山車恐怖，坐成４分鐘既過山車，玩完真係死左一樣～～～
玩左好多好多，玩都差唔多８點先走，跟住去左九龍灣打邊爐，完全唔明點解會去都咁遠打邊爐！？搭１０７諗住係德福附近落，點知入左九龍灣後完全無站，都唔知邊度就落左車，完全有迷路既感覺。近住都係打的去淘大打邊爐，第一ｒｏｕｎｄ已經令個湯底變成屎水一樣＝＝”而我地都係不斷污染過湯底，但係亦不斷係兜湯撈返ｄ食物上黎食，最後兜湯由啡色變成黃色～～～
去都差唔多１１點就散場，咁就過左過聖誕節啦～～～
沒有留言:
發佈留言