日記 | 02/10/2005 BBQ

今日上晝都係係屋企休息下，下晝返左ｈａｌｌ之後就拿拿臨同Ｐａｔ　Ｐａｔ衝入馬鞍山，原途突然落大雨，１０號風球咁～～～去到馬鞍山，決定去西貢ＢＢＱ。我地兵分３路，Ｍｉｋｅ，Ａｎｇｅｌ同入去霸爐，點知佢地未到西貢就係泥涌落車。

而我同Ｖｉｎｃｅｎｔ，Ｐａｔ　Ｐａｔ同ＭＣＣ就去ＰＫ　Ｓｈｏｐ掃貨，然後坐的士入去。點至坐左架個司機好火爆既的士，俾架綠Ｖａｎ切線，就不停爆粗，仲要係踩住油擰轉頭鬧，差ｄ撞埋前面ｄ車。

去到等埋ＬｅｅＨａｎｇ，ＪＪ，Ａｂｂｙ同ＫａＬｅｅ黎，就開始燒烤，成個場好靜，得２～３ｇｒｏｕｐ人，加上又無乜燈，又好大煙霞，好得人驚～～～

十一點幾，全場得返我地一ｇｒｏｕｐ人，都係出返去先。Ａｂｂｙ話馬鞍山有糖水食，話好近就到，點知一行就行左４５分鐘。唉，行到去馬鞍山市中心，仲要係ｄ商場兜黎兜去。１２：０５先去到一間正在閂門既糖水舖，好彩仲做我地生意。１點幾，搭Ｎ２８１轉的士返ｈａｌｌ。