日記 | 19/01/2006 亂行

今日約左Ｖｉｎｃｅｎｔ出黎行街街，哈哈～～～係尖沙嘴ＭｃＤｏｎａｌｄ食左ｄ野後就去四圍行，係中港城到行行下見到架２３８ｘ於是就無拿拿捉左佢上車。哈哈，架車去變完全唔知，結果去左海濱花園。去到海濱花園後就轉船入左去珀麗灣，馬灣都係第一次去，個景都唔錯，幾靜添。

不過就係無乜野買，同埋無乜野食，於是就走返出去青衣，坐唔到架電動巴士，就有ｄ失望。

係青衣ｈｅａ行左陣，買左ｄ老婆餅返去同師傅上堂食。夜晚上Ｃｈｉｎｅｓｅ　Ｃｏｍｐｕｔｉｎｇ，哈哈，唔知講乜～～～

夜晚同師傅，ｌｅａｄｅｒ，Ｖｉｎｃｅｎｔ同威廉一齊出去食飯，ｔｒｙ左Ｎ個地點，不過都係ｔｈｒｏｗ晒，一個都ｃａｔｃｈ唔到，ｆｉｎａｌｌｙ去左左敦既澳洲牛奶公司食左個火腿通粉早餐，唉，都唔知點解夜麻麻有咁多人食早餐。食完野係大家諗唔到食唔食糖水既情況下就早ｄ返屋企啦。