今日係大年初二，晨早流流個表哥就上左黎，但係我都未起身～～～真係有ｄ騎呢。跟住過左海去拜年。哈哈，去到都係食食食食食，真係除左食之外都無乜其他野好做。食左幾粒鐘，都諗唔到有乜其他野好做，啊公就話要趕返長洲，於是都係拿拿諗咁又過返海，真係玩黎玩去。
去到中環，諗起有城巴服務站，於是去八下有無架５周年賣，哈哈，居然有開門兼有得賣喎，於是就ｒａｉｓｅ左部啟航版同５周年版既車車。跟住諗住行去天馬艦影下花車，哈，竟然係有ｓｈｏｗ睇，於是係裡面不停影相。最鍾意既都係國泰既花車，話晒遲幾日就要ｉｎｔｅｒｖｉｅｗ，哈，話唔定出年係呢到同人揮手～～～
係天馬艦坐玩左幾個鐘，最尾個ｓｈｏｗ係日本既竿燈會，我地係咁影，扮下去左日本都好～～～成個ｓｈｏｗ我都好鍾意，唔知下年會唔會有？
望下望下都差唔多７點，於是拿拿諗去搵ｄ野食，然後出左去會展睇煙花，今日無乜風，ｄ煙散唔到，無咁靚～～～
沒有留言:
發佈留言