日記 | 02/07/2004 開工大吉

今日開工啦，尋晚都無乜點訓，一來平時慣夜訓，二來成晚都係到胡思亂想。結果五點鐘俾老豆個鬧鐘嘈醒。
約左LeeHang 06：45係調景嶺食早餐，但係一去到地鐵站就走左架車，結果又係遲左5分鐘先到。跟住同LeeHang去左間茶餐廳食左個餐蛋麵早餐，食完早餐就坐07：20架797M返公司，架車轉黎轉去，結果07：55先去到, 實Ｑ叔叔一如已往都係叫我地係下面等，但係等等下都係叫我地自己上去～～～
講下間野先，勁ＨＡＥ，有名你叫ＨＡＥ　ＣＯ嘛～～～所以呢，果度Ｄ人關心既唔係人工，又唔係工作，就係佢地最最最引以為傲既冠忠巴士～～～唉，糧都未講清楚點出就係咁問我地住邊，邊度上車好呀，有乜同事會一齊等等很無聊既野。我前前後後都被人問左５次”你知唔知個站係邊度呀？”。玩左半日都係研究Ｄ車係邊度搭，同埋會有乜出錯既可能，例如去錯赤蠟角，上錯車等等。
跟住執位坐，我同LeeHang俾人安排左一個好隱蔽既位，有Ｄ似巴士最後一排咁，一左一右，完全無人知我地做乜，除非佢行到埋我地個位，有Ｄ被放逐既感覺，不過都好開心，至少唔會悶嘛～～～跟住走去聽步步姐講野，勁快但係我勁眼訓，結果都係聽得５成左右，然後我地就去食飯啦～～～
去到我地既ｃａｎｔｅｅｎ，聽聞皆大歡喜既演員好鍾意黎食野，咁我就叫左過２（食送）飯，但係竟然我要既（食送）全部賣晒，結果要左個腐乳雞同蕃茄魚雲，就係呢兩碟野，我決定從今開始帶飯～～～
下晝繼續Training，由Mickey帶，初時都算ｏｋ，但係慢慢佢開始亂黎，不斷係度ａｄｄ野，大佬呀！你個ｍｏｎ得１４吋咋，仲要加塊ｆｉｌｔｅｒ，點睇呀～～～結果成過下午都試唔到，無奈。
踏正５點，Ｄ人走得勁快，仲要走得好匆忙，好似走難咁～～～不消５分鐘，差唔多所有人走晒。咁我，LeeHang同Jess都走啦，搭２９８Ｅ去坑口都唔駛１０分鐘～～～