日記 | 05/07/2004 正式開工啦～～～

今日係正式開工既大日子，但係仍然都係無校巴搭，於是約埋ＬｅｅＨａｎｇ同Ｊｅｓｓ係坑口搭車，我地約左係美心等。咁我竟然早到１５分鐘，見美心裡面有即煎既腿蛋治，熱辣辣，好正！等到０７：２０都係人影都無，開始懷疑坑口站唔只一間美心，果然，真係有２間美心，Ｊｅｓｓ已經係度等緊。九巴架２９８Ｅ真係快過７９７Ｍ好多倍，又無轉黎轉去，２０分鐘就返到公司啦～～～

第一日開工都係Ｔｒａｉｎｉｎｇ為主，早上都係係度繼續寫下Ｗｅｂ　ｓｅｒｖｉｃｅ既ｄｂ　ｔｉｅｒ，雖然望著份ｓａｍｐｌｅ直抄，但係都唔係好清楚自己做緊乜～～～但係改下改下咁就ok左，哈哈～～～咁就ｈａｅ了一個上晝。中午食飯時，發現我個飯盒同Ｍｉｃｋｅｙ係一模一樣，仲要都係有ｄ公仔係盒面，俾阿Ｊｅｓｓ話估唔到兩個咁ｃｕｔｅ既飯盒係兩個大男人架～～～唔知係唔係叮得太耐，ｄ意粉勁乾同ｄ雞勁多油，食完有ｄ唔舒服。食完飯我地落ｃａｎｔｅｅｎ行下，佢地話見到家燕姐，但係我就無乜留意到，所以緣慳一面。

下晝繼續開始ｂｕ　ｔｉｅｒ，經過ｂｒｉｅｆｉｎｇ，我開始明白自己做緊乜，所以做ｂｕ　ｔｉｅｒ同ｐｒｅｓｅｎｔａｔｉｏｎ　ｔｉｅｒ都幾順利，至少有少少成功感啦～～～４點幾，去左人事部囉員工証同校車飛啦，終於唔晒掛住個核突訪客牌啦，幾驚佢整個長期訪客牌俾我地～～～

５點鐘，又係趕放工既時候，真係好匆忙架，５點前執野又好似好衰咁，但係５點先執野根本係趕唔切。５：０５落到去搭校巴啦，已經差唔多全車都滿晒，唯有攝係ｄ三人位中，真可悲～～～
傍晚約左Ｔｏｍｍｙ係旺角，架車５：０８開車，５：３０已經到左旺角啦，真快！跟住同Ｔｏｍｍｙ上８０ｍ睇車啦，一入到去見果個師拉話要去廁所就叫我地走，結果一去就無回頭。於是轉陣去葵芳果間，見城巴果兩架Ｍａｎ都好正，我一早已經好想佢出架啦，兼且個姐姐都話好多人都一次定晒２部車，（不過我覺得佢似吹水多，想我買晒２部），結果我都係訂晒２部車～～～

跟住同Ｔｏｍｍｙ去左維苑餐廳食飯，真係好唔掂，我叫舊牛排６成熟，佢煮出黎竟然係（６成面積既牛排係全熟，４成係全生），我初頭食話舊牛排好熟，結果越食越生～～～見係葵芳到無乜野買，於是我地落左去屯門，我係吉之島買左ｄ野準備係公司用，跟住去左燉奶佬食甜品，然後好開心搭架前衛９６１返屋企。（１６０）