今日相約一班大同去ｃａｍｐ，成員有Mike, PatPat, LeeHang, JoeJay, Bonnie, Annie, William, KiKi, Angle, Another Vincent，啊宏同小強。今次ｃａｍｐ ｓｉｔｅ係梅窩某一偏辟渡假屋，呢次係我第一次去呢ｄ度假屋，不大討好，都係住酒店好ｄ。
佢地話１１點係東涌等，我就梗係唔想兜咁遠去啦，所以我若埋Ｗｉｌｌｉａｍ同啊宏一齊搭船入去。星期六中午搭船好多人，原本諗住搭１：２０果班船，但係去到碼頭架船已經ｆｕｌｌ左，結果要等多半個鐘等下一班船。
入到去買下野後就係麥當勞等佢地出黎接我地，見到ＬｅｅＨａｎｇ已經好有原住民ｆｅｅｌ，跟住食下野就返屋。間屋由碼頭行到入去都要２０分鐘，我地都決定租單車入去，２０蚊租成日真係好抵。返到屋佢地係咁玩水槍，結果成屋加成身都濕晒。
４點幾出去銀礦灣玩下沙同集體活動，期間ＫｉＫｉ輸左俾我地用水槍射到成身濕晒，同埋係沙灘四圍走，有ｄ似洗頭水廣告。跟住就飲下野就返屋。
夜晚燒野食，買左好多野，但係個爐勁細同人多，燒條腸仔都要半個鐘，燒左３粒鐘都無乜食過野。其間有一貓一狗加一路人行過：隻貓好懶，喂埋口先肯食；隻狗勁嬲，因為我地喂貓唔狗；個人勁八，企係我地門口睇波。
深夜，有出去沙灘玩，帶左個大西瓜出去，食左半個就扔埋一邊。佢地玩ｔｒｕｔｈ ｏｒ ｄａｒｅ，但係我，ＬｅｅＨａｎｇ同ＰａｔＰａｔ都無加入。坐埋一邊傾計，跟住我地三個去左兜風，踩左去銀礦洞附近，有ｄ恐怖，果時已經係３點半啦，入夜有ｄ陰涼。不過走時就好正，完全唔晒踩咁滑落山，好似楂車咁。跟住我地三個打算講下自己既野，原來訓係沙灘個ｆｅｅｌ真係好正，望住個天有好多星，望得入神會慢慢覺得ｄ星係度轉緊，有ｄ頭昏添。三個人原本打算避開眾人講下自己既往事，原本氣氛幾好，但係當Ｂｏｎｎｉｅ殺入時，完成破壞晒ｄ氣氛，仲要張個話題ｄｉｖｅｒｔ去講是非。講黎講去到係果ｄ野，真係幾無聊，亦到令其他人無野好講。
沒有留言:
發佈留言