日記 | 21/08/2004 開卡日

今日約左劉少去ＨＳＢＣ開張新既Ｃｒｅｄｉｔ　Ｃａｒｄ，但係又一城ＨＳＢＣ既人真係好唔掂，真係好似佢係老闆咁，而我地好似去見工咁。幾經波折先搞掂，其實ＨＳＢＣ將Ｃｒｅｄｉｔ　Ｃａｒｄ真係幾無聊，送ｄ會員卡就更加無聊。我就揀左迪生同ＣＯＤＥ，真係連間野賣乜我到唔知～～～

跟住我地係又一城ｈａｅ下然後去ＫＦＣ食Ｌｕｎｃｈ，之後我地去左沙田四圍行。終於係沙田買左隻野，雖然而家關係搞成咁，但係承諾左既野我一定會做，希望能有轉機啦。講返係沙田既行程，當我係果間野買完野後，劉少一直都好歧視個粉紅袋～～～

佢係新城市廣場睇中ｄ野，但係一買要買一套，於是我地四圍搵但係都無收穫。跟住去宜家飲下野，傾下偈，咁就差唔多過左一日啦～～～

返到屋企，睇到奧運乒乓球中國贏左香港，勁開心！香港果兩位呀叔真係好唔掂，自大之餘又無品，既然係輸左就唔好賴個裁判啦。佢地只係囉銀牌，ｄ香港人當佢神咁拜，又話要搞個慶功宴，又話要推廣乒乓球等等一係列即興既活動，真係好白痴～～～睇返中國果兩個，佢地贏左都好似無乜人高興，其中既陳杞只係１９歲，第一次參加大型體育運動就囉冠軍，真係好難得架。

另外，都唔明點解香港個兩個既屋企人咁鍾意講野，成晚電視都係咁訪問佢ｄ家人，見佢地成鄉人到好自豪咁，真係不禁嘆息：中國人就係咁架啦。