今日都係主要ｄｅｍｏ個ＡＣＳＭ俾ＢＢＫ睇，改下改下，加上又要做Ｖｏｌｕｍｅ Ｔｅｓｔ，咁就ｈａｅ左個上晝，結果都係ｄｅｍｏ唔到俾佢睇。
今日係杜Ｂ先生最後一日，真係有Ｄ．．．，所以大家決定出去食飯慶祝下。原本諗住出去將軍澳中心食麥當當，但係無理由坐的士去食麥當當咁變態架，所以去到求其搵左一間叫九斗半既野食。我叫左個菜肉雲吞擔擔麵，真係好一般～～～
返到公司已經２點，好彩無乜人留意。下晝食埋杜Ｂ個餅影下相就收工啦。放工同Ｊｅｓｓ行左時代睇下ｉＰｏｄ，唔覺意昆左佢話部ｉＰｏｄ無得轉，真係好對不起～～～
夜晚，約左班中同去飲野，今次好難得Ｐ Ｌｕｉ都有出現，其他人都係飯團成員，有Ｊｕ，Ａｎｎａ，Ｊｅｓｓ，Ｔｏｍｍｙ，Ｗｉｌｓｏｎ同阿朱。我地去左間可以玩貓既餐廳飲野，除左閒來有一兩隻貓行過之外，真係無乜得別，ｄ飲品真係好唔得。大家係到吹下水，睇下Ｔｏｍｍｙ係絲綢之路既相，真係幾靚～ｄ風景。跟住講下講下，都差唔多十一點幾，間野都打烊啦。
跟住大家都意猶未盡，於是去左西灣河繼續飲野，呢次更加唔得，以為間野無人就可以靜靜地講下野，一入到去個老闆就勁播左麟右李，仲要唱埋一份～～～
沒有留言:
發佈留言