今日原來較左鬧鐘５點起身，但係較錯左係下晝５點，不過好彩，有用電話既提醒功能，先至唔駛送機尾～～～去搭頭班Ａ１１，勁多人，結果要坐車尾，無得訓。上年又係差唔多咁既時間去機場，所以好多野都係似曾相識咁。去到機場６點半，ＬｅｅＨａｎｇ仲係東涌，不過港龍已經好多人排隊～～～Ｃｈｅｃｋ－ｉｎ完就去入閘，今次都係第一次坐機場裡面既無人駕駛列車。上到機，見到ｄ空姐都係講中文總係覺得怪怪咁，飛機上既早餐係蝦餃燒賣等點心同維他奶，真係好頹～～～
去到台北，我地係第二航廈出境，淨係兌台幣同落地簽證都搞左我地２個鐘，仲耐過由香港飛去台北既時間～～～兜兜轉轉，先至係第一航廈搵返Ｒｉｃｋｙ同Ｋｅｎｎｅｔｈ佢地，然後就搭飛狗巴士（Ｆｒｅｅ Ｇｏ Ｂｕｓ）出市區。
大約１點，我地終於到達成都酒店，不過未可以囉房，於是我地係西門町食我地既ｌｕｎｃｈ。首先食左阿宗麵線，跟住飲左杯青蛙下蛋，然後食左個水晶餃。跟住係捷運站買左張悠遊卡後就開始我地既台北遊。
第一站係故宮博物院，係士林站轉２５５號係故宮博物院站落車，入面睇既都係以前王帝用既野同一ｄ古董，其中最出名既係白菜同豬肉，不過無個導遊係到講真係幾悶，只係影左少少相就閃人啦。
跟住去左忠烈祠，由故宮博物院搭的士去只係２０分鐘既路程，不過個司機就不停咁講電話，仲要係講得非常投入，做晒手勢，完全放開個鈦盤，真係離晒譜～～～去到岩岩係４點鐘換班，只能話幾有台灣特色，無乜特別吸引既地放，相返，Ｒｉｃｋｙ同ＬｅｅＨａｎｇ就已經俾附近既韓國姐姐吸引住～～～
跟住搭返巴士出圓山站轉捷運去龍山寺，ｊｏｉｎ埋ＬｅｅＨａｎｇ既ｒｏｏｍａｔｅ，Ｃｏｄｙ，佢帶左我地去華西街觀光夜市，不過由於時間太早，好多舖都未開。呢個夜市出名食野味，有蛇等動物係ｄ籠入面～～～我去係附近間左間大排當食阿仔煎，而那位台灣朋友亦好好人幫我地去買珍珠奶茶。跟住去左買八仙果，ＬｅｅＨａｎｇ淨買左一包囉袋而被串。
我地下一站去左公館站既師大夜市，可能係夜晚既關係，好旺好多人。佢帶左我地去食滷水，其實只係張香港既打邊爐換成滷水湯底，其中最難食既係豬血糕～～～食完野行左一陣就搭捷運返酒店休息。返到酒店都差唔多１１點～～～
沒有留言:
發佈留言