今日係台灣遊既第二日，原本８點半起身結果搞到１０點先出門口。諗住係附近睇下有乜早餐食，去左間台灣牛乳大王，不過無乜特別野食。再係附近ｌｏｏｐ下，最終都係去左食麥記。自己曾經話過係外地係絕對唔會食返麥記咁ｈｅａ，不過台灣既麥記同香港都有少少唔同，幾特別。買野既時候，個麥當勞姐姐一句”小心哦”，就改變左２位師傅既ｓｔｙｌｅ，全程都不斷”小心哦”～～～
見落緊雨，都係不宜上九份，今日都係去ｄ簡單ｄ既地方。首先去左對面既紅樓劇場，落緊大雨，所以只係係室內睇，可以話係無野睇，無無聊聊咁。跟住搭捷運去左中正紀念堂，見到有一班人係度排舞，幾得意。今年又有ｄ圖片展，可能每年一次咁岩又俾我遇到。係紀念堂裡面不斷ｒｅｃａｌｌ返上年聽過既野，真係有個導遊講會開心ｄ～～～跟住上左去睇換兵，睇左幾次，有ｄ悶同覺得好慢。
係附近ｌｏｏｐ左一圈後就搭捷運去忠孝敦化食鼎泰豐，好多人，去左附近既書店行下，等左半個鐘終於有位。我地叫左蟹粉小籠包，小籠包（２種差唔多一樣），菜肉餃（有ｄ難食，因為ｄ菜好爛），排骨麵同牛肉麵，豆沙包。整體黎講都係ｂｅｌｏｗ ｅｘｐｅｃｔｅｄ ｂｕｔ ａｂｏｖｅ ａｖｅｒａｇｅ。
跟住就搭捷運去淡水，沿途同ｒｉｃｋｙ影左幾張新聞相，可以參加新聞展，哈哈～～～去到淡水，師傅佢地笠左ｓｔａｒｂｕｃｋ好多刀刀叉叉，跟住係淡水老街行左陣，沿途見到好多人食３０ｃｍ長雪糕，不過唔知好唔好食。我地去左搭船去八里，諗住行去１３行博物館睇下野，點知一行就行左成個鐘，沿著左岸公園行，經過紅樹林，再經過工業村，污水處理廠先至到，ｔｏｔａｌ行左３．９公里先至到～～～
十三行博物館都係講跟果個地方以前有ｄ人經商，發掘到好多出土文物。行到好倦，我地４個都係到睇片ｈｅａ下。睇完博物館，去左對面既新活館飲下野，見到一個似大長今既靚女，而佢身邊既就自然成為奸角令路＝＝”我飲左杯檸檬汁，好正～～～跟住我地去追巴士，完成忘記左台灣係左鈦車，不過好好彩下一架好快又黎。我地出返去左岸公園搭船去漁人碼頭，架船開得勁快，好得人驚，不過ＬｅｅＨａｎｇ仍能照訓～～～勁！
去到漁人碼頭，係情人橋影下相，跟住Ｒｉｃｋｙ想食法式烤雞，於是我地就係度等佢出爐～～～雖然個樣好靚，不過食落嘛嘛地，無乜雞味。跟住我地搭巴士出返淡水站，係老街食下野，食左串臭豆腐，地瓜丸，燒魷魚等等，然後就去左買阿婆鐵蛋同埋魚酥，臨走前仲見到ＣＡＳ鐵蛋～～～
跟住我地出返去士林夜市，係劍潭站落車，諗住去食豪大大雞排，不過行行下唔見左ＬｅｅＨａｎｇ，經過一輪搜尋，終於搵得返。當買完之後就勁大雨，ｄ商店仲要係落雨收遮，費事ｄ人企係佢門口避雨～～～好差呀！ＬｅｅＨａｎｇ係附近買左ｄ粉圓，凍凍地有ＱＱ地。由於太大雨關係，我地入左間夾公仔既舖避雨，間野樓係一Ｄ玩入籃既遊戲機。等左一陣，我地入左許士林既美食廣場，行左真，Ｒｉｃｋｙ話想食刨冰，我地叫左個花生＋紅豆同埋奇異果＋西瓜＋芒果既刨冰，都係第一次食刨冰，唔錯～～～
食完野都差唔多１１：３０啦，於是都係拿拿臨返酒店，都係聽日先睇書啦～～～
沒有留言:
發佈留言