今日係係台灣既最後一日，雖然已經住左３日，但係都無乜Ｈｏｍｅ ｓｉｃｋ，可能每日都訓得好充足啦。正因為尋晚３點半先訓，所以呢，今日訓到１０點半先起身，執得行理都差唔多要ｃｈｅｃｋ ｏｕｔ啦，先前仲ｐｌａｎ上晝去買手信～～～
一出門口，為左掩飾我地４人一房，我同Ｋｅｎｎｅｔｈ一出門口就走左出去，而ＬｅｅＨａｎｇ就矢口否認識我地～～～不過最後不認不認還需認。
跟住去左西門町食鴨肉扁，好奇怪，話明鴨肉扁係無鴨食，淨係得鵝。四十蚊一碗既淨米粉已經覺得好貴，加埋＄２８０四份一加隻鵝，更加覺得唔抵。食完野就去左買果汁飲，自己飲左杯西瓜汁，大大杯都只係３０蚊，好好飲。
食完野，就急急腳咁就去搭捷運，去國父紀念館。只係匆匆忙忙咁就行過左，其實我都唔知點解咁趕。跟住就去到台北１０１，呢座位全亞洲最高既物體，全部都係賣名牌貨。咁岩又係舉行緊台北電腦展，不過都係緣慳一面，仲未開幕。
去左Ｐａｇｅ Ｏｎｅ逛下，好大同好多英文書，不過無乜心水，而且ｄ台幣可似唔係好夠咁，都係慳ｄ洗。跟住去左Ｎｅｗ Ｙｏｒｋ Ｎｅｗ Ｙｏｒｋ行，係間生活工場買左一樽薰衣草奶茶，唔知好唔好飲～～～然後去左新光三月行下，再Ｌｏｏｐ返去台北１０１間西雅圖咖啡店飲咖啡。自己叫左杯印第安拿鐵，好濃，唔太岩飲。四個人叫左個提拉美蘇，ｏｋ好食啦～～～
飲完夜就搭免費車去市政府捷運站，然後搭木柵線去南京東路站，搵ｐａｔ ｐａｔ所講既梨記太陽餅，點知一行就行左半個鐘先到。買左一盒太陽餅，一盒鳳凰酥，斷估都應該好食過九份既張師傅嘛～～～
買完野搵捷運站，問左一個路人姐姐，佢前前後後指左好多個站，係到轉黎轉去，最後指左我地去搭巴士，仲要叫我地加油哦！不過佢都係指錯方向～～～而我地都係求其搵架車搭就算啦～～～上左架２８０號，架車一去就去左公館站，Ｒｉｃｋｙ佢地就搭返去西門走先，而我同ＬｅｅＨａｎｇ就去左圓山站囉餅。
始終都係去返上次果間維格，雖然ｄ野唔平，不過上次食過真係正好多。買左１盒肉鬆同買鳳梨酥，跟住就行左過去對面既孔廟。一入去就ｆｅｅｌ到好似入左老人院咁，好多老人家坐晒係度，發現都係無乜野太，都係出返去影下飛機開心ｄ。原來台灣仲有好多螺旋槳飛機，三星機都有好多，不過呢ｄ全部都係飛內陸機。係鬧市上空飛過，係香港已經無呢種情景。我地係街口影左陣飛機後就搭捷運返西門。
係西門退左張悠遊卡，囉返少少錢後就直返酒店。一返都去，就已經有個飛狗既呀叔等緊我地，我地拿拿臨咁上左一架Ｖａｎ仔，架車係附近兜黎兜去，ｆｉｎａｌｌｙ仲要係今朝買太陽附近轉車，等完又等，終於換左架大車，２＋１坐位，好浮誇～～～
大約７點１５分先去到機場，係機場執下行你後就ｃｈｅｃｋ ｉｎ啦，我地沿途係咁笠ｄ行李牌同ｌａｂｅｌ。跟住我地去左去左食面，我叫左碗紅燒牛肉麵，好鹹～～～食完麵就上機啦，正式完結呢４日台灣之旅。
沒有留言:
發佈留言