日記 | 17/06/2004 木馬屠城

今日約左Ｅｄｍｏｎｄ食晏，佢話有間日本野好正下，所以同佢去試一試。果間野同其他日式餐廳差唔多，都係畫下紙仔，每次三味等等。但係只係得三張紙，款式有限，評價一般。跟住本來諗住同佢去ＩＦＣ間戲院去睇'木馬屠城'，好可惜，全院滿坐。結果有走返去銅鑼灣皇室堡，好彩都有位。我地趁未開場前行下腦場，我都無乜心幾行，一來無乜野想買，二來就係無乜錢。不過就見到部ibook都幾正，好可惜係無乜用途~~~

講返齣戲先，先幾日睇既'明日之後'，的確只能夠睇佢既特技，一ｄ劇情都無，又極為牽強。好似無拿拿有加幾隻狼出黎咬人，有無拿拿行到商場頂跌死．．．真係好似丘太話：拉雜成文。整睇黎講我都知齣戲講乜，但係無乜feel，（如果所有人死晒就好睇ｄ），加上有ｄ位好似太過份，有乜理由ｄ龍捲風通街都係，仲要只係o係城市裡面先有o架!我睇到都想笑，個導演真係太貪心啦～～～總結都係一般啦。

今日睇埋另一齣既'木馬屠城'，雖然開頭４５分鐘完全唔知佢講乜，加埋佢ｄ人名地名鬼死咁長，我都覺得幾悶。不過當一開出打仗，所有野就清楚好多啦。成個故事都係講希臘去攻打特洛伊，我自己就未讀過木馬屠城記，但係覺得成個故事幾正，加上個王子都幾型仔，可惜最係都要死。

兩齣戲比，我一定會揀木馬，至少佢片場１６３分鐘都可以坐耐Ｄ呀。