日記 | 18/06/2004 深圳一天

今日約左ＥＤＭＯＮＧ上深圳，十點半係紅磡等。今日首先係中銀對左７００蚊人民幣，跟住搭東鐵去羅湖。一去都我地就行去書城，好熱好熱，行到成身濕晒。係書城到買左幾本電腦書，都係英文影印版多，都係為左第時返工用。ＥＤＭＯＮＤ話要買套＄７８０既書，但係又無錢，於是行去附近銀行對錢。雖然得３個人排隊，但係都等左半個鐘。對５００蚊港幣，又要影印ＩＤ，留電話號碼等等，好麻煩。跟住去書城買書，結果我買左：數據結構與算法／果殼中的宇宙／計算機組認與結構／應用ＳＯＡＰ實現．ＮＥＴ　ＸＭＬ　ＷＥＢ服務。總共ＲＭＢ　Ｙ１５８。

跟住個死佬話返香港，癡線啦，８０蚊車費黎淨係買幾本書，我當然唔肯啦。於是我拉左佢去東門，我連早餐都未食，無理有咁就返香港架！！！我地搵左間泰國菜館食下午茶，都幾抵架，不過唔係咁好食。跟住同ＥＤＭＯＮＤ行下東門，有Ｄ呀嬸行埋黎話佢有４級碟／帶，唉都一把年紀就收歛下啦～～～行左一陣間，ＥＤＭＯＮＤ又話熱又點點點，無辦法啦，唯有返香港啦。

唉，咁次到無乜買野就走，真係徙車費徙時間。