今係日早就去左好多間銀行做野，差唔多所有大行都有去過，主要係去開戶口，轉賬同囉ｃａｒｄ等等～～～十點幾約埋Ｖｉｎｃｅｎｔ，Ｍｉｋｅ，ＪｏｅＪａｙ等人去ＳＤＳ搞ＭＴＲ既學生乘車優惠。差唔多一點就完成晒所有野，但係我地今晚係幫Ａｎｎｉｅ補慶祝生日，所以有成６個鐘唔知做乜好啦。
結果我地求其開左間房睇戲，睇左無主之城，都唔錯。跟住正想開第二齣就有其他人黎上堂，所以走左去食ｔｅａ。然後走左去尖沙嘴，等齊人都差唔多７點半啦，去到Ｐｉｚｚａ Ｈｕｔ勁多人，但係又唔知有乜好食，所以都係等啦。１３人既臺真係幾難等，反而細臺仲快ｄ，等左差唔多個半鐘，九點半先至有得食。
食完飯，去左海傍行下吹下水，發覺尖嘴海傍已經唔係香港啦，全部人都係講普通話，仲有好多係國內先會見到既文娛活動。跟住又去左ＭｃＤｏｎａｌｄｓ飲下野，然後行左去油痲地搭Ｎ１２２／Ｎ１２１返屋企，返到屋企已經係３點啦～～～
沒有留言:
發佈留言