日記 | 14/09/2004 六合彩

今朝返工勁多人，全車滿晒仲掙一個位。返到公司又係ｈａｅ既開始，唔之點解成日係到流鼻水，仲以為自己傷風，原來今日既空氣污染指數高過２００。我以前都唔信，但係真係會影響到自己～～～

六合彩已經連續６期無人中頭獎，今晚有７２００萬，中左都唔知點算。前面啊Ｌｕ今日勁興奮，佢地大包圍，出手都幾闊綽。啊Ｌｕ有個幸運袋，用黎抽六合彩。其間ＢＢＫ講：”身為ＩＴ人點可以用Ｄ咁原始既方法抽Ｎｕｍｂｅｒ，當然用電腦啦．．．你地都唔知ｄ學生有幾咁得閒，叫佢地寫個抽六合彩既ｐｒｏｇｒａｍ啦”。我完全無野講～～～

今日比尋日仲ｈａｅ，電話一個都無接過，ＢＢＫ今日除左買六合彩果陣出現過，其他時間完全無見過。而成日最大不了既係幫Ｒｉｃｋｙ　ｓｅａｒｃｈ過下野，佢見我地成日都無野做都不禁ｆｕｃｋ了一句。