日記 | 19/06/2004 ７Ｂ飯局

今日全日都係度執行李，因為聽日我就出發去北京喇。唔之點解，今次出發唔係太興奮，可能近排先至去過台灣旅行。不過話時話，好耐都無同屋企人去旅行啦。
今日夜晚約左７Ｂ既ｇａｔｈｅｒｉｎｇ，今次聽落都好似幾大規模，不過實際都係無乜人俾面出席。咁次既聚會只係得11人，人物方面當然係飯團同人為主，但係叻姐同Ｊｕ都病左無出現，其他人有啊燊，羅，虎，Ｆａｎｎｙ同盼盼。我地相約係炮台山宏利保險大廈既ＣＬＵＢ３５食自助餐。叻姐叫我同Ｔｏｍｍｙ去位先，但係Ｔｏｍｍｙ始終都要遲下到先開心。見到咁多無見既同學仔，大家都幾開心。啊虎依然係啊虎，成日都係都扮無知，勁搞笑。其他人平時都有聯絡，所以感覺無咁大。係ＣＬＵＢ３５食左＄１１０，不過無乜特別野食。
食完飯，本來諗住走架啦，但係啊燊話約Ｄ．Ｌｅｅ出黎飲野，又見大家咁盡興，都係繼續下一場啦。我地去左世貿中心既Ｓｔａｒｂｕｃｋ飲野，都唔明點解十幾人要迫係２張台飲野。香港ｓｔａｒｂｕｃｋ飲野好貴，但係好好飲。同Ｄ．Ｌｅｅ傾左一陣間，佢就話要走啦，跟住我地走左上去打機，打到大約１２點就走啦。今晚成晚都係為左執行李，都無乜點訓過，唯有聽日上機先訓啦。
無見大家咁耐，難得既聚會，但係人數唔多, 有ｄ冷清。