日記 | 03/12/2005 CRE

今日考ＣＲＥ，１２點幾就搭３０７入去大埔考，真慘，都唔知點解要去咁遠考試。仲要係去到先發覺３０７既巴士站唔係我一直以為果個，結果盲摸摸咁行入去富亨村～～～好彩預早左Ｄ時間，一點半就去到香港紅卍字會大埔卍慈中學，３份倦，ＡＴ同ＵＣ係同一份Ａｎｓｗｅｒ　Ｓｈｅｅｔ答，之後有一個ｂｒｅａｋ，然後考ＵＥ。唉，ＡＴ做唔晒，對Ｄ數字好塞，做淨好多添～～～而ＵＥ同ＵＣ都差唔多，算叫做做得晒啦。

考完試都已經天黑啦，成村人出去搭７１Ｂ，哈哈，無拿拿塞滿左２班７１Ｂ。出到去大埔墟站，ｊｏｉｎ埋ＪＪ，Ｖｉｎｃｅｎｔ同Ｋａｌｅｅ，就約埋師傅去火炭食大排檔。由於要等師傅關係，我地搭７３Ａ出去，等左好耐，不過都係快過師傅到，哈哈。

去到火炭，揀左間最多人既大排檔，叫左羊腩煲，炸豆腐，賴尿蝦，乳鴿同雞粥。食完野，就行左出去沙田，一路行一路吹水，跟住係滿記食埋糖水就走。