今日差唔多成１點先起身，本來諗住係Ｈａｌｌ食少少野就出去，點知阿宏無拿拿話學左個新煮意去煮隻火雞－香橙茄汁火雞，哈哈，真係估你唔到～～～
跟住ＰａｔＰａｔ無拿拿下定決心，決定去買３２３０，又係估你唔到，於是同佢出左去買啦，數碼通就肯定無晒貨架啦，已叻叻掂又係話遲少少可能有，結果係去左中原買，哈哈，唔同既舖個價都係唔同，一間賣２３８８，另一間買２３００，仲送９樣無聊野添。ＰａｔＰａｔ揀左部金色，因為係最ｌａｔｅｓｔ既ｖｅｒｓｉｏｎ。
跟住四圍去睇下眼鏡，不過佢都無乜岩心水，然後去左大家樂食ｔｅａ，一出去就無拿拿落雨，於是都係拿拿諗返ｈａｌｌ執野，等埋Ｅｄｍｏｎｄ一齊上黎執ｈａｌｌ。唉，今日又收到ＨＳＢＣ Ｃａｌｌ人既消息，不過都係無自己份～～～）
返到屋企都已經七點幾，本來仲約左飯團７點係銅鑼灣等添～～～但係一早講好同Ｅｄｍｏｎｄ去買相機，我當然唔會咁衰打完齋唔要和尚啦，於是係電腦城陪佢揀左陣機，都係ＳＯＮＹ Ｔ９同Ｎ１兩部揀，結果佢揀左部Ｔ９。水貨同行科相差成８００蚊，不過佢都係揀左行貨。個賣野既阿叔唔知點解死都要我地買個原裝套，佢不停減價叫我地買，結果６折買埋個原裝套。
哎，自己好似老人痴呆咁，已經不Ｒｅｍｉｎｄ自己記得帶條ｕｓｂ線俾阿Ｊｕ，但係次次都唔記得，今次亦都唔例外，於是都係拿拿諗係腦場買條俾佢就算啦。同阿Ｊｕ一齊落銅鑼灣果間ｍｉｘ食，哈，結果我地遲左個半鐘，勁俾佢地ｃｏｎｄｅｍｎ，插插下無拿拿撩起去ＢＢＱ，唉，俾人話住Ｈａｌｌ咁耐都無招呼過大家～～～又俾佢地ｃｏｎｄｅｍｎ一鑊。
係世貿行左陣，ｄ機舖勁多人，於是都係四圍行下，見到有個鬼佬街頭賣藝，香港真係乜人都有。
跟住佢地話走，但係搭搭下地鐵又突然間話食糖水，真係好ａｄ ｈｏｃ。於是我同Ｔｏｍｍｙ，Ｊｅｓｓ，Ｗｉｌｓｏｎ就無拿拿落左去西灣河食糖水。間野唔知叫乜名，淨係至話好出名，不過，ｄ野有ｄ騎呢。係吹水期間發現，哈哈，原來大家都曾經見過某一個人。
食到差唔多１２點９，唉，岩岩無地鐵過海，算，都係搭Ｎ１０２ ＋ 的士返Ｈａｌｌ，返到Ｈａｌｌ都差唔多已經係一點半，ＰａｔＰａｔ已經係半訓狀態。
沒有留言:
發佈留言