日記 | 31/12/2005 除夕

今日係大除夕，唉，終於要ｑｕｉｔ　ｈａｌｌ啦，住左都差唔多４個月，唔多唔少都有ｄ唔捨得。住ｈａｌｌ都有好有唔好啦，好既就係好自由，想點就點，唔好既就當然係駛多好多錢啦。住下都好既，都幾開心架。

晨早就起身執埋最後ｄ野，又係２大袋野，跟住等埋Ｖｉｎｃｅｎｔ返黎，就上左去天台影下相，然後又四圍影相～～～１１點幾，終於要走啦，落去ｃｈｅｃｋ　ｏｕｔ，跟住就返左屋企擺低ｄ野。聽見Ｋｅｎｎｅｔｈ哥話有ＣＲＥ　Ｒｅｓｕｌｔ，好緊張添～～～

下晝２點幾出左去旺角搵返Ｖｉｎｃｅｎｔ，去左間德州餐廳食晏，然後係旺角行，點知無拿拿撞到ＪｏｅＪａｙ。哈，結果同佢去左旺電行，有無拿拿諗住去睇戲，於是ｃａｌｌ埋師傅去買飛，結果就約左７條友夜麻麻去數碼港睇四眼雞丁。ＪＪ要去整機，於是閃左先，跟住ＰａｔＰａｔ就ｊｏｉｎ我地去左ＭｃＣａｆｅ飲野，飲完野一出去就見到好多Ｃａｎｏｎ既姐姐，當然要去影下相啦。然後ｊｏｉｎ埋ＭＣＣ就坐車出中環吉野家ｊｏｉｎ埋Ｋａｌｅｅ同ＪＪ。食左Ｄ野就搭Ｍ４９入數碼港搵師傅睇雞丁。

睇完戲就諗住買Ｄ野飲係數碼港ｈｅａ下啦，點知唯一間ＰＫ　Ｓｈｏｐ晨早就已經收檔，於是都係出返去銅鑼灣啦。係銅鑼灣間文輝食左碗勁大碗既魚旦粉，然後諗住入去時代廣場ｃｏｕｎｔ　ｄｏｗｎ啦，點知行到三越就已經無路行，於是就搵個角落圍下圈，影下相同ｃｏｕｎｔ　ｄｏｗｎ。

係個角落頭玩都１２點幾，我地就不停四圍ｌｏｏｐ，哈，連ＭＣＣ都覺得係行過果條街Ｎ次，我地都係不停係銅鑼灣道，禮頓道，波斯富街同軒尼詩道ｌｏｏｐ，然後先後經過維園工展會，中央圖書館，最後行行下去左跑馬地。哈哈，我地真係好鍾意行，不停行，ｆｉｎａｌｌｙ係跑馬地成和道間蓮園糖水先停低休息下，食下糖水。

已經係凌晨２點幾，諗住搭電車出返去，點知電車唔係通頂，我地係電車站掛住睇一個醉酒既女仔，呃左其他人一齊等電車。於是我地又原路行返出去，ＭＣＣ仲話要食野，算吧啦，已經３點幾，結果都係齊齊搭地鐵返屋企。