日記 | 25/12/2005 好貴

今日係Ｗｉｎｎｉｅ既洗禮，我都唔至點解，好多人都問我今日做乜，結果通街都知我去觀禮。

尋晚真係病到七彩，嘔左Ｎ次，嘔到無野好嘔先有覺好訓。今日有晨早流流去教會睇Ｗｉｎｎｉｅ既洗禮，雖然我唔知乜野叫洗禮，只知係一件大事，所以點都要去睇下。結果
唔知點解，搞到好似結婚咁。

係Ｗｉｎｎｉｅ屋企ｈｅａ下，６級無聊，試左件騎呢既西裝，ｏｋ　ｆｉｔ既，跟住去左食雲南米線同日本野，都係一般～～～

夜晚，約左師傅，Ｂｏｎｎｉｅ，Ａｎｎｉｅ等人去沙田食飯，唉，佢去去左風月堂囉位，我一入去就心知不妙，只係聽見師傅話咁餐會好融，但係無人講過實質係幾多錢，講真，ｄ野真係痲痲地，唔係好食，只係ｆｅｅｌ都會好貴，結果埋單每位＄２００。唉，每人仲有份杯碟同月曆送添，真係吹脹。

跟住Ｖｉｎｃｅｎｔ無拿拿出現左一陣又消失，而我同師傅同Ｂｏｎｎｉｅ走行左去顯徑，初時諗住去車公廟，結果行行下就行左去顯徑ｊｏｉｎ埋Ｂｏｎｎｉｅ個ｆｒｉｅｎｄ食糖水，然後又係搭Ｎ２８１　＋　Ｎ１２２返屋企，就黎４點先返到屋企。